अकोला  : कर्जमाफी, तूर-हरभरा खरेदी, नवीन पीककर्ज अादी मुद्यांवर सध्या शेतकरी त्रस्त झाला असून, याकडे शासनाचे लक्ष वेधण्यासाठी राष्ट्रवादी काँग्रेसच्या पुढाकाराने वरवट बकाल येथे अांदोलन करण्यात अाले. राष्ट्रवादीचे जिल्हा कार्याध्यक्ष संगीतराव भोंगळ यांच्या नेतृत्वात हे अांदोलन झाले. 

पेट्रोल-डिझेलचे भाव त्वरित कमी करा, तूर आणि हरभरा खरेदी त्वरित सुरू करा, बोंड अळीग्रस्त शेतकऱ्यांना मदत द्या, कर्जमाफी झालेल्या शेतकऱ्यांना विनाअट पीककर्ज पुरवठा करण्यात यावा, पीकविमा काढलेल्या शेतकऱ्यांना तत्काळ पिकविम्याचे पैसे शेतकऱ्यांच्या खात्यामध्ये जमा करा, सरसकट शेतकऱ्यांना कर्जमाफी द्या, किडणीग्रस्त रुग्णांना दोन लाख रुपये व मृत्यू पावलेल्या कुटुंबातील नातेवाइकाला पाच लाख रुपये मदत द्या, गारपीट व अवकाळी पावसाने नुकसान झालेल्या व वंचित राहिलेल्या शेतकऱ्यांना त्वरित लाभ अादी मागण्यांसाठी हे अांदोलन झाले. 

आंदोलनात विश्वासराव पाटील, विश्र्वनाथ झाडोकार, तालुकाध्यक्ष नारायण ढगे, युवक काँग्रेसचे तालुकाध्यक्ष पंकज ठाकरे, मीर मुज्जफरअली, हरिभाऊ पुंडे, लक्ष्मण पुंडे, संदीप दामधर, महादेव सातपुते, राजेश गायकवाड, गणेश पाटील, बाळू गायकवाड, दुर्गासिंग सोळंके यांच्यासह इतर पदाधिकारी उपस्थित होते.