पुणे : महाराष्ट्र कृषी पणन मंडळाच्या वतीने उभारण्यात आलेल्या विविध निर्यात सुविधा केंद्रांमधून गेल्या तीन महिन्यांत शेतमाल निर्यातीबराेबर स्थानिकांना राेजगार उपलब्ध झाला आहे. विविध कारणांनी निर्यात सुविधा केंद्रे पूर्ण क्षमतेने कार्यान्वित नव्हती. मात्र आता खासगी निर्यातदारांना सर्व केंद्रांवरील सुविधा पूर्ण क्षमतेने उपलब्ध करून दिल्याने शेतमाल निर्यातीस गती मिळाली आहे. गेल्या तीन महिन्यांत ७९६ मेट्रिक टन शेतमालाची निर्यात झाली आहे; तर २ हजार स्थानिक बेराेजगारांना राेजगार उपलब्ध झाला आहे. 

पणन मंडळाच्या वतीने राज्याच्या विविध भागांत ४४ निर्यात सुविधा केंद्रे उभारण्यात आली आहेत. यामध्ये शीतगृहे, प्रशितकरण, रायपनिंग चेंबर आदी सुविधांचा समावेश आहे. या विविध सुविधा केंद्रांद्वारे द्राक्षे, गुलाब, डाळिंब, मसाले पदार्थ, आंबा, पल्प, भेंडी, कारले, शेवगा, ताेंडली, मिरची आदी विविध शेतमालाची निर्यात केली जाते. ही सुविधा केंद्रांद्वारे अधिक शेतमाल निर्यात व्हावा, यासाठी यांचा उपयाेग पीपीपी तत्त्वावर करण्यात यावा, अशा सूचना पणनमंत्री सुभाष देशमुख यांनी पणन मंडळाला दिल्या हाेत्या. त्यानुसार गेल्या तीन महिन्यांत विविध खासगी निर्यातदारांनी या सुविधांचा उपयाेग करून, सुमारे २ काेटी रुपयांचा ७९६ टन शेतमालाची निर्यात केली आहे; तर या माध्यमातून स्थानिक २ हजार बेराेजगारांना राेजगार संधीदेखील उपलब्ध झाली आहे, अशी माहिती पणन मंडळाचे कार्यकारी संचालक सुनील पवार यांनी दिली.