जळगाव : येथील शिवतीर्थ मैदानावर ३ ते ६ नोव्हेंबरदरम्यान राज्यस्तरीय कृषी व पशुप्रदर्शन ॲग्रोवर्ल्ड-२०१७ चे आयोजन करण्यात आले आहे. डोम स्ट्रक्‍टरमधील या कृषी प्रदर्शनात नवनवीन यंत्रे, तंत्रे, सिंचन प्रणाली; तसेच विविध आकार व प्रकारांतील ट्रॅक्‍टर, अवजारे, स्प्रे पंप, फळबाग छाटणीपासून ते परसबागेतील मशागतीच्या कामांसाठी उपयुक्त शेती साहित्ये, मोत्याची शेतीचे प्रात्यक्षिक असेल.

जैन इरिगेशन सिस्टिम्स लि. प्रदर्शनाचे मुख्य प्रायोजक आहेत. केएफ बायोफ्लान्ट, ग्रब ॲग्रो, श्री. साईराम प्लॅस्टिक व गोदावरी फाउंडेशन हे सहप्रायोजक आहेत. चारदिवसीय कृषी प्रदर्शनासाठी कृषी विभाग, राष्ट्रीय फलोत्पादन अभियान, जिल्हा परिषद, जळगाव, वसुंधरा पाणलोट, आत्मा यांचे सहकार्य आहे. शासकीय विभागांसाठी स्वतंत्र दालन असणार आहे.

ट्रॅक्‍टर, अवजारे व मशिनरी स्वतः हाताळून खात्री करण्यासाठी मोठी जागा राखीव ठेवली आहे. हिरव्या चाऱ्याचे व्यवस्थापन, मूरघास, हायड्रोपोनिक फॉडर, ॲझोलाची प्रात्यक्षिकासह माहिती देण्याची व्यवस्था आहे. दूधकाढणी यंत्रांच्या नामांकित कंपन्यांचेही स्टॉल्स असतील. देशी-विदेशी शेळ्यांच्या जाती प्रत्यक्ष प्रदर्शनात पाहायला मिळणार आहेत. तसेच चार दिवस चर्चासत्रांचे आयोजन केले आहे. १० बाय १० फूट आकाराच्या शेततळ्यात लाखभर उत्पन्न देणारी मोत्याची शेती, हे ॲग्रोवर्ल्डच्या प्रदर्शनाचे खास आकर्षण असेल.