बदलापूर (जि.ठाणे) ः कृषी कार्यानुभव कार्यक्रमांतर्गत दापोली येथील कृषी महाविद्यालयातील कृषिकन्या निकिता अनिल देवरे गावातील शेतकऱ्यांना विविध प्रात्यक्षिकाद्वारे मार्गदर्शन करण्याचे काम करत आहे. या कार्यक्रमांतर्गत गावातील शेतकऱ्यांना जैविक पद्धतीने कीड व्यवस्थापन आणि भात शेतीतील तण नियंत्रणाबाबत सविस्तर मार्गदर्शन करण्यात आले. उपस्थित शेतकऱ्यांना कामगंध सापळे म्हणजे काय, त्यांचा वापर आणि फायदे याबाबत माहिती देण्यात आली. तसेच शेतकऱ्यांना भात शेतीतील तणांची ओळख, पीक वाढीवर होणारे परिणाम आणि नियंत्रणाबाबतही मार्गदर्शन करण्यात आले. शेतकऱ्यांना रासायनिक पद्धतीचा वापर न करता कमी खर्चामध्ये कीड आणि तण व्यवस्थानपन कसे करता येईल, याविषयी निकिता देवरे हिने माहिती दिली.