milk agitation
milk agitation  
मुख्य बातम्या

दूध दर आंदोलनाचा राज्यभर एल्गार

टीम अॅग्रोवन

पुणे: दूध उत्पादक शेतकरी संघर्ष समिती व महायुतीमधील घटक पक्षांनी दूध दरवाढीसाठी शुक्रवारी (ता.१) पुकारलेल्या महाएल्गार आंदोलनाला राज्यभर चांगला प्रतिसाद मिळाला. संतप्त शेतकऱ्यांनी अनेक भागांमध्ये रस्त्यावर दूध ओतून संताप व्यक्त केला. गावोगावी चावडीवर दुधाचे अभिषेक केले गेले. रस्त्यावर टायर जाळून दुधाची वाहने अडविण्याचे प्रकार झाले. पोलिसांनी काही तालुक्यांमध्ये आंदोलकांची धरपकड केली. यामुळे राज्यात दूध पुरवठा विस्कळीत झाला.

शेतकऱ्यांच्या खात्यात दूध खरेदीपोटी प्रतिलिटर दहा रुपये अनुदान जमा करावे व दूध भुकटी निर्यातीसाठी प्रतिकिलो ५० रुपये अनुदान मिळावे, अशा मुख्य मागण्या आंदोलनकर्त्यांच्या होत्या. उत्तर महाराष्ट्र, विदर्भ, मराठवाड्यात काही तालुक्यांमध्ये आंदोलनाला चांगला प्रतिसाद मिळाला.  शेतकरी संपासाठी गाजलेलेल्या पुणतांबा येथे बळिराजाच्या मूर्तीला अभिषेक घातला गेला. दूध उत्पादकांचे गाव म्हणून ओळख असलेल्या वैजापूरच्या लाखगंगा येथे शेतकरी नेते धनंजय धोर्डे यांनी गणपतीला दूध अभिषेक घालून आंदोलन केले.  संघर्ष समितीचे प्रमुख डॉ.अजित नवले यांनी किसान सभेच्या नेतृत्वाखाली नगरच्या अकोले भागात दगडाला दुधाचा अभिषेक घातला. किसान सभेचे अध्यक्ष कम्युनिस्ट पक्षाचे नेते डॉ. अशोक ढवळे, आ. विनोद निकोले यांनी डहाणूत आंदोलन छेडले. भाजपचे प्रदेशाध्यक्ष चंद्रकांत पाटील यांनी नायगाव (ता.मावळ) येथे आंदोलन केले. माजी दुग्धविकासमंत्री महादेव जानकर यांनी पंढरपुरात संत नामदेव पायरीवर तसेच चंद्रभागा नदीत उतरून दूध अभिषेक आंदोलन केले. रयत क्रांतीचे नेते व माजीराज्यमंत्री सदाभाऊ खोत यांचे पुत्र सागर खोत यांनी इस्लामपुरात आंदोलन केले. दुसऱ्या बाजूला श्री. खोत यांनी नामदेव पायरीवर आंदोलन केले.

आंदोलन फसल्याने ते पिसाळलेतः शेट्टी स्वाभिमानी शेतकरी संघटनेने या आंदोलनात भाग घेतला नाही. ‘‘आजचे आंदोलन हे पुतणा मावशीचे प्रेम आहे. सदाभाऊ खोत यांचे हे आंदोलन फसले आहे. शेतकऱ्यांचा सहभाग नसल्याने फज्जा उडालेले आंदोलन पाहून ते पिसाळले. हे आंदोलन केंद्राच्या, राज्याच्या की शेट्टीच्या विरोधात होते ते आधी ठरवा. पण त्याआधी प्रसिद्धीसाठी भ्रमिष्ठासारखे कोणालाही जबाबदार धरू नये,’’ अशी घणाघाती टीका शेट्टी यांनी खोतांवर केली.

आंदोलनाच्या घडामोडी

  • दूध दरवाढीसाठी विरोधक रस्त्यावर
  • आंदोलन फसल्याचा राजू  शेट्टींचा दावा
  • महायुतीच्या नेत्यांची विविध जिल्ह्यात धरपकड
  • टायर जाळून,दूध ओतून आंदोलकांचा संताप 
  • गावोगावी शेतकऱ्यांनी केला दुधाचा अभिषेक
  • दूध उत्पादक संघर्ष समितीचे चावडीवर आंदोलन 
  • पुणतांब्यामध्ये बळिराजाच्या मूर्तीला अभिषेक
  • Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Water Scarcity : वरणगावात १५ दिवसांआड पाणीपुरवठा; नागरिक त्रस्त

    Landslides : जम्मू-काश्मीरमध्ये भूस्खलनामुळे घरे कोसळली; ५०० हून अधिक लोकांचे स्थालांतर

    Wrestling : आणि कुस्ती शौकीनांच्या ह्रदयाची धडधड वाढायला लागते

    Banana Farmer Issue : मेगारिचार्ज योजनेसह केळीचे प्रश्‍न प्रलंबित

    Water Scarcity : पाण्याच्या आशेने करमाळ्यात विहिरींची खोदाई

    SCROLL FOR NEXT