जळगाव :  जिल्ह्यात खरीप हंगामासाठी लागणारा रासायनिक खतांचा ६५ टक्‍के पुरवठा झाला आहे. पावसाने साधारण महिनाभर दडी मारल्याने पेरण्या लांबल्या होत्या. यातच आठ दिवसांपासून पावसाने पुन्हा हुलकावणी दिल्याने शेतकऱ्यांकडून खतांची खरेदी जास्त प्रमाणात झालेली नाही. परंतु युरियाचा पुरवठा अतिशय कमी असून, पुरवठ्याची टक्केवारी फक्त ४० टक्केच राहिल्याची माहिती आहे.

केळीची शेती व पूर्वहंगामी कापसाला खतांची गरज असल्याने जिल्ह्यात तापीकाठावर खतांचा वापर अधिक आहे.  त्यात सरळ खतांची उपलब्धता कमी आहे. डीएपी मुबलक असून, युरिया पुरेशा प्रमाणात नाही. ग्रामीण भागात शेतकऱ्यांना नाडण्याचे प्रकार सुरू असून, जादा दरात खतांची विक्री केली जाते, अशा तक्रारी आहेत. शेतकऱ्यांचे खरीप हंगामातील ८० टक्‍के पेरण्यांचे काम जवळपास पूर्ण झाले आहे. अनेक ठिकाणी उन्हाळी कपाशी लागवडही झाली आहे. पिकांसाठी आवश्‍यक रासायनिक खतांचा पुरवठा जिल्हा परिषदेच्या कृषी विभागाकडून मागविला जातो. त्यानुसार यंदासाठी आवश्‍यक खतांची मागणी करण्यात आली असून, खतांची एकूण उपलब्धता १ लाख २१ हजार १४३ टन आहे. 

१९ हजार ४३२ मेट्रिक टन खतसाठा शिल्लक एकूण खतांपैकी १ लाख १ हजार ७११ मेट्रिक टन खतांची विक्री झाली असून, आजअखेरपर्यंत जिल्ह्यात १९ हजार ४३२ मेट्रिक टन इतका खतांचा साठा शिल्लक आहे. यात युरिया ३ हजार ५४, एनपीके १३ हजार ६०९, म्युरिट ऑफ पोटॅश २ हजार २८०, १०-२६-२६ पाच हजार ११३ मेट्रिक टन इतका साठा शिल्लक आहे. खतांचा तुटवडा जाणवण्याची शक्‍यता नसल्याचे कृषी विभागाकडून सांगण्यात आले आहे.

खतांच्या प्रकारानुसार उपलब्धता (आकडे टनांत)