परभणी : ‘‘जिल्ह्यात मागेल त्याला शेततळे योजनेअंतर्गत सोमवार (ता. १६)पर्यंत ३ हजार ४७५ शेततळ्यांची कामे पूर्ण झाली आहेत. काम पूर्ण केलेल्या ३ हजार १५२ शेतकऱ्यांना अनुदानाची रक्कम अदा करण्यात आली आहे. या योजनेअंतर्गत १४ कोटी ९० लाख ३२ हजार रुपये एवढा निधी खर्च झाला,’’ अशी माहिती कृषी विभागाच्या सूत्रांनी दिली.

या योजनेअंतर्गत जिल्ह्यात ३ हजार शेततळ्यांच्या कामांचा लक्ष्यांक होता. परंतु, गेल्या काही वर्षांपासून जिल्ह्यात अनियमित, अपुऱ्या पावसामुळे सिंचनासाठी पाण्याची उपलब्धता कमी राहत आहे. सततच्या दुष्काळी स्थितीमुळे पिकांच्या उत्पादनावर परिणाम होत आहे. शेततळ्यांच्या माध्यमातून पावसाचे पाणी जमिनीत मुरविल्यामुळे फायदा होत असल्याचा अनेक शेतकऱ्यांचा अनुभव आहे. त्यामुळे या योजनेअंतर्गत योजनेस शेतकऱ्यांचा मोठा प्रतिसाद मिळत आहे. 

यंदा या योजनेअंतर्गत जिल्ह्यातील १२ हजार १४० शेतकऱ्यांनी आत्तापर्यंत कृषी विभागाकडे अर्ज केले. एकूण अर्जांपैकी ९ हजार ३०८ शेतकऱ्यांचे अर्ज तांत्रिकदृष्ट्या योग्य ठरले. त्यापैकी ९ हजार २७५ शेतकऱ्यांना शेततळ्यांची मंजुरी देण्यात आली. त्यापैकी ९ हजार ११९ शेततळ्यांचे कार्यारंभ आदेश देण्यात आले.

आजवर ७ हजार ४०३ शेततळ्यांची आखणी करून देण्यात आली. त्यापैकी ३ हजार ४७५ शेततळ्यांची कामे पूर्ण झाली आहेत. त्यापैकी ३ हजार १५२ शेतकऱ्यांचे अनुदान अदा करण्यात आले. त्यासाठी १४ कोटी ९० लाख ३२ हजार रुपये एवढा निधी खर्च झाला.

तालुकानिहाय शेततळे स्थिती