पुणे  ः विद्यार्थी वसतिगृहाचे प्रवेशद्वार कायम खुले ठेवण्याबरोबरच, सुरक्षिततेच्या दृष्टीने विद्यार्थ्यांच्या वसतिगृहात लावलेले सीसीटीव्ही कॅमेरे काढण्यात यावेत, ग्रंथालय २४ तास सुरू ठेवावे, विद्यार्थिनींच्या सुरक्षिततेतसाठी नरवीर तानाजी वाडीचा रस्ता कायमस्वरूपी सुरू ठेवावा आदी मागण्यांसाठी पुणे कृषी महाविद्यालयातील विद्यार्थी - विद्यार्थिनींनी मंगळवारी (ता. २१) सकाळपासून ठिय्या आंदोलन सुरू केले होते. कुलगुरूंनी स्वतः चर्चेसाठी यावे या मागणीवर विद्यार्थ्यां ठाम होते. 

दरम्यान, महाविद्यालयाचे प्राचार्य डॉ. पी. एन. रसाळ यांनी विद्यार्थ्यांशी संवाद साधण्याचा प्रयत्न केला. मात्र विद्यार्थी कुलगुरूंशीच चर्चा करण्यावर ठाम होते. दुपारी अधिष्ठाता डॉ. ए. एल. फरांदे यांनी विद्यार्थ्यांशी चर्चा केली. मात्र तरी देखील विद्यार्थी कुलगुरूंबरोबरच चर्चेवर ठाम राहिल्याने, अखेर महाविद्यालय प्रशासनाने कुलगुरू डॉ. विश्‍वनाथा यांच्याशी संपर्क साधला. यानंतर दुपारी कुलगुरू डॉ. विश्‍वनाथा राहुरी येथून पुण्याकडे येण्यास निघाल्याचे महाविद्यालय प्रशासनाने सांगितले.

या आहेत प्रमुख मागण्या