बहुतांश शेतकऱ्यांना कोळी ही केवळ कीड म्हणून माहिती आहे. मात्र, कोळ्यांच्या विविध प्रजाती पिकांसाठी त्रासदायक ठरणाऱ्या अनेक किडींचा फडशा पाडतात. त्याचे वार्षिक प्रमाण अचंबा वाटावे एवढे अवाढव्य आहे. जगभरातील सर्व कोळी प्रतिवर्ष सुमारे ४०० ते ८०० दशलक्ष टन कीटकांचा फडशा पाडत असल्याचा दावा संशोधकांनी केला. हे प्रमाण माणसांकडून खाल्ल्या जाणाऱ्या मांस आणि मत्स्यआहाराच्या आसपास (४०० दशलक्ष टन) आहे. अशा प्रकारे पिकाच्या संरक्षणामध्ये अप्रत्यक्षपणे मदत करणाऱ्या कोळ्यांकडे प्राधान्याने लक्ष देण्याची आवश्यकता आहे.