शाकाहारी आहार अधिक पोषक व संतुलित होण्यासाठी केन्ट विद्यापीठातील संशोधकांनी जीवनसत्त्व बी १२ (कोबॅलमिन) अंतर्भाव करण्याचा सल्ला दिला आहे. वनस्पतिजन्य आहारातून त्याची पूर्तता होत नसल्याने या घटकाची कमतरता शाकाहारी (व्हेजिटेरियन किंवा व्हेगान्स) लोकांमध्ये आढळते.  

विद्यापीठातील जैवशास्त्र विद्यालयातील संशोधक प्रा. मार्टिन वॉरेन यांच्या नेतृत्त्वाखालील गटाने बागेमध्ये वाढणारी क्रेस ही वनस्पती कोबॅलमीन घेऊ शकत असल्याचे सिद्ध केले आहे. त्यांनी ११ आणि १२ मुलांच्या साह्याने विद्यालयाच्या बागेमध्ये क्रेस हे गवत माध्यमामध्ये बी १२ मिसळून वाढवण्याचा प्रयत्न केला. सात दिवसांमध्ये जमिनीमध्ये मिसळलेले बी १२ पानांपर्यंत पोचते. ही वनस्पती माध्यमामध्ये (माती किंवा अन्य) उपलब्ध असलेल्या कोबॅलमीनच्या प्रमाणानुसार शोषण करते. ते पानामध्ये जमा होते. असा पोषक घटकांचा अंतर्भाव असलेल्या पानांचा आहारामध्ये वापर केल्यास शाकाहारी व्यक्तींना फायदा होऊ शकतो. अशा प्रकारे खाद्य वनस्पतीमध्येही प्रयोग करण्यात येणार असून, ते शाकाहारी व्यक्तींना खाण्यामध्ये कोणताही अडचण नसेल. त्यामुळे शाकाहारामध्ये बी १२ ची उपलब्धता करणे शक्य होईल.