Tur Market Update : हिंगोली बाजार समिती अंतर्गत धान्य बाजार (भूसार मार्केट) मध्ये सोमवार (ता.२४) ते बुधवार (ता.२७) तुरीची २२२१ क्विंटल आवक झाली. या वेळी त्यास प्रतिक्विंटल किमान ८ हजार २९५ ते कमाल ८ हजार ८९० रुपये दर मिळाले, अशी माहिती बाजार समितीच्या सूत्रांनी दिली.

बुधवारी (ता. २६) तुरीची ६५० क्विटंल आवक होऊन प्रतिक्विंटल किमान ८ हजार ४०० ते कमाल ८ हजार ८९० रुपये तर सरासरी ८ हजार ६४५ रुपये दर मिळाले.

मंगळवारी (ता.२५) तुरीची ७९० क्विंटल आवक होऊन प्रतिक्विंटल किमान ८ हजार ३०५ ते कमाल ८ हजार ८८१ रुपये तर सरासरी ८ हजार ५९० रुपये दर मिळाले.

सोमवारी (ता.२४) ७८१ क्विंटल आवक झाली. त्यावेळी किमान ८ हजार २९५ ते कमाल ८ हजार ८०३ रुपये तर सरासरी ८ हजार ५४९ रुपये दर मिळाले.

सेनगाव बाजार समितीत शनिवारी (ता.२९) तुरीची ७० क्विंटल आवक झाली. त्यास क्विंटलला ७ हजार ते ८ हजार रुपये तर सरासरी ७ हजार ५०० रुपये दर मिळाले. शुक्रवारी (ता.२८) ३५ क्विंटल आवक झाली. त्यास ७ हजार ते ८ हजार रुपये तर सरासरी ७ हजार ५०० रुपये दर मिळाले.

दरात ९५ ते ६०० रुपयांनी सुधारणा

हिंगोली बाजार समिती अंतर्गत कनेरगाव नाका उपबाजारपेठेत शुक्रवारी (ता.२७) तुरीची ३३५ क्विंटल आवक झाली. त्यास किमान ८ हजार २०० ते कमाल ८ हजार ५०० रुपये तर सरासरी ८ हजार ३५० रुपये दर मिळाले.

गुरुवारी (ता.२६) तुरीची ३९७ क्विंटल आवक होऊन ८ हजार २७० ते ८ हजार ६४० रुपये तर सरासरी ८ हजार ४५५ रुपये दर मिळाले. गेल्या आठवड्याच्या तुलनेत तुरीची आवक वाढली आहे. दरात ९५ ते ६०० रुपयांनी सुधारणा झाली असल्याचे सूत्रांनी सांगितले.