Market Bulletin:

ज्वारीची आवक घटली

बाजारातील ज्वारीची आवक काहीशी कमी झाली आहे. मात्र, देशात यंदा ज्वारीचा पुरवठा चांगला आहे. तसेच मागणी स्थिर आहे. त्यामुळे ज्वारीचे दरही एका पातळीदरम्यान स्थिर दिसत आहेत. इतरही धान्याचे उत्पादन चांगले आहे. त्यामुळे ज्वारीच्या भावावर दबाव आहे. ज्वारीला उठाव आहे. मात्र, पुरवठा चांगला आहे. त्यामुळे दर काहीसे स्थिरावले आहेत, असे व्यापारी सांगत आहेत. सध्या ज्वारीला प्रतिक्विंटल सरासरी २ हजार ५०० ते ३ हजार रुपयांच्या दरम्यान भाव मिळत आहे. ज्वारीची बाजारातील आवक कमी होत आहे. त्यामुळे दरात काहीशी सुधारणा दिसू शकते, असा अंदाज ज्वारी बाजारातील अभ्यासकांनी व्यक्त केला.

मुगावरील दबाव कायम

मुगाचे भाव देशातील बाजारात दबावातच आहेत. देशातील उत्पादन आणि सरकारचे आयात धोरणा याचा दरावर दबाव आहे. मुगाला बाजारात सध्या हमीभावापेक्षा खूपच कमी दर मिळत आहे. देशातील वाढलेले उत्पादन आणि वाढती आयात याचा दबाव दरावर आहे. तसेच इतर कडधान्याचे भावही कमी झाले आहेत. त्यामुळे मुगाचे भावही दबावात आले आहेत. दुसरीकडे मुगाला उठाव चांगला आहे. मात्र, पुरवठा चांगला असल्याने दर कमी आहेत. सध्या मूग प्रतिक्विंटल सरासरी ६ हजार ५०० ते ७ हजार रुपये प्रतिक्विंटलने विकला जात आहे. पुढील काळात मुगाची आवक मर्यादीत राहण्याची शक्यता आहे. त्यामुळे दरात काहीसे चढ उतार राहू शकतात, असा अंदाज अभ्यासकांनी व्यक्त केला.

मोहरीचे दर स्थिर

मोहरीचे दर मागील दोन महिन्यांत काहीसे सुधारले होते. तेलाचे दर वाढल्याचा आधार मोहरीच्या भावाला मिळला. मात्र, मागील दोन आठवड्यांपासून मोहरीचा भाव काहीसा स्थिरावला आहे. देशातील बहुतांशी भागात मोहरीचा बाजारभाव हमीभावापेक्षा जास्तच आहेत. मोहरीला सध्या बाजारात ६ हजार ते ६ हजार ४०० रुपयांच्या दरम्यान भाव मिळत आहे. बाजारातील मोहरीची आवक पुढील काही आठवडे कायम राहू शकते. त्यामुळे मोहरीच्या दरातही काहीसे चढ उतार दिसू शकतात, असा अंदाज मोहरी बाजारातील अभ्यासकांनी व्यक्त केला.

आवळा दर दबावात

बाजारातील आवळ्याची आवक पावसामुळे कमी झाली आहे. बाजारात आवळ्याला उठाव मात्र चांगला आहे. अनेक भागात पावसाचा आवळा पिकाला फटका बसला. त्यामुळे बाजारातील आवकेवर परिणाम होत असल्याचे व्यापारी सांगत आहेत. सध्या बाजारात आवळ्याला सरासरी ४ हजार ते ५ हजारांचा भाव मिळत आहे. आवळ्याची बाजारातील आवक पुढील काही दिवस कायम राहण्याची शक्यता आहे. त्यामुळे आवळ्याच्या भातही काहीसे चढ उतार राहू शकतात, असा अंदाज व्यापारी व्यक्त करत आहेत.

बटाट्याचे दर टिकून

देशात यंदा बटाटा उत्पादन चांगले झाले. देशातील महत्वाच्या बटाटा उत्पादक उत्तर प्रदेश आणि पश्चिम बंगालमध्ये उत्पादन वाढल्याचे शेतकरी सांगत आहेत. त्यामुळे बाजारातील बटाटा आवकही चांगली आहे. परिणामी बटाट्याचे दर दबावातच आहेत. बटाट्याला सध्या प्रतिक्विंटल सरासरी १५०० ते २ हजार रुपयांच्या दरम्यान भाव मिळत आहे. पुढील काळातही बटाटा आवक चांगली राहण्याची शक्यता आहे. त्यामुळे बटाट्याचे भावही स्थिर राहू शकतात, असा अंदाज जाणकारांनी व्यक्त केला.