Agriculture Market Products Agrowon
मार्केट बुलेटीन

Agrowon Podcast: कापसाचे दर स्थिरावले; काकडी, केळी, गवार तसेच काय आहेत चिंचाचे भाव?

Daily Commodity Rates: आज आपण काकडी, केळी, गवार, चिंच आणि कापूस बाजाराची माहिती घेणार आहोत.

Anil Jadhao 

Market Bulletin:

काकडीचा दर टिकून

पाऊस सुरु झाल्यापासून काकडीला काहीसा उठाव कमी झाला. मात्र बाजारातील काकडीची आवकही कमी झाली आहे. परिणामी काकडीचे दर टिकून आहेत. काकडी पिकाला राज्यभरात पावसाचा दणका बसला. त्यामुळे बाजारातील काकडीची आवक मंदावल्याचे व्यापारी सांगत आहेत. सध्या काकडी बाजारात १५०० ते २ हजार रुपये प्रतिक्विंटलने विकली जात आहे. काकडीची आवक पुढील काळातही कमीच राहण्याचा अंदाज आहे. त्यामुळे काकडीचे दरही टिकून राहतील, असा अंदाज व्यापारी व्यक्त करत आहेत. 

केळीचे दर टिकून

बाजारात मागील काही दिवसांपासून केळीची आवक कमी झाली आहे. राज्यातील काही भागात केळी पिकाचेही पावसाने नुकसान झाले. दुसरीकडे केळीला उठावही मंदावला आहे. त्यामुळे आवक कमी असूनही केळीचे भाव टिकून आहेत. सध्या केळीला सरासरी १५०० ते २ हजार रुपये प्रतिक्विंटलच्या दरम्यान दर मिळत आहे. पुढील काही आठवडे बाजारातील केळीची आवक कमीच राहण्याचा अंदाज आहे. तर मागणीही स्थिर राहण्याची शक्यता आङे. त्यामुळे दरात काहीसे चढ उतार दिसू शकतात, असा अंदाज केळी व्यापाऱ्यांनी व्यक्त केला आहे. 

गवार तेजीत

गवारचे भाव मागील २ आठवड्यात चांगलेच वाढले आहेत. गवारची बाजारातील आवक पावसामुळे कमी झाली आहे. गवार पिकासाठी एप्रिल आणि मे महिन्यात पोषक हवामान राहीले नाही. त्याचा फटका पिकाला आधीपासूनच बसत होता. मे महिन्यातील पावसाने पिकाचे नुकसान वाढले. त्यामुळे आवक कमी होऊन भाव तेजीत आले. गवारचे भाव बहुतांशी बाजारात सरासरी ६ हजार ते ७ हजार रुपये प्रतिक्विंटलच्या दरम्यान पोचले आहेत. गवारची आवक पुढील काळातही कमीच राहण्याची शक्यता आहे. त्यामुळे गवारचे भावही टिकून राहतील, असा अंदाज व्यापारी व्यक्त करत आहेत. 

चिंचेच्या दरात चढ उतार

बाजारातील चिंचेची आवक मर्यादीत दिसत आहे. मात्र पावसामुळे मागणीवर काहीसा परिणाम झाल्याचे व्यापारी सांगत आहेत. त्यामुळे चिंचेच्या दरात काहीसे चढ उतार सुरु झाल्याचे दिसत आहे. चिंचेचे दर अनेक बाजारात काहीसे कमी झाले आहेत. दुसरीकडे बाजारातील आकही कमी आहे. पण चिंचेला सध्या ७ हजार ते ११ हजार रुपये प्रतिक्विंटलच्या दरम्यान भाव मिळत आहे. चिंचेची बाजारातील आवक आणखी काही आठवडे कायम राहण्याचा अंदाज आहे. तर पावसामुळे मागणीही स्थिर राहू शकते. परिणामी चिंचेच्या दरात चढ उतार कायम राहू शकतात, असा अंदाज चिंच बाजारातील अभ्यासकांनी व्यक्त केला.

कापसाचे भाव स्थिर

देशात आणि आंतरराष्ट्रीय बाजारात कापसाची भावपातळी स्थिर दिसत आहेत. आंतरराष्ट्रीय बाजारात कापसेच भाव ६५ ते ६६ सेंट प्रतिपाऊंडच्या दरम्यान राहत आहेत. तर देशात कापसाचा भाव ७ हजार ३०० ते ७ हजार ७०० रुपयांच्या दरम्यान आहे. बाजारातील कापसाची आवक खूपच कमी झाली. बाजारात २० हजार गाठींच्या दरम्यान कापूस विक्रीसाठी येत आहे. कापसाची आवक पुढील काळात कमीच राहण्याची शक्यता आहे. पण आंतरराष्ट्रीय बाजारात भाव कमी असल्याने होत असलेली आयात आणि देशातील उठाव मंदावल्याने कापसाच्या भावात चढ उतार राहू शकतात, असा अंदाज कापूस बाजारातील अभ्यासकांनी व्यक्त केला.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

India Onion Export: बांगलादेशात पाच महिन्यांनंतर भारतीय कांद्याची निर्यात

Agricultural Export: कृषी निर्यात चार लाख कोटींवर

Papaya Supply: खानदेशात पपईची आवक नीचांकी स्थितीत

Vidarbha Heavy Rain: विदर्भात पावसामुळे हाहाकार

Rabi Crops Trials: राज्यात दहा हजार हेक्टरवर पीक पद्धतीवर रब्बी प्रात्यक्षिके

SCROLL FOR NEXT