सोलापूर : सोलापूर कृषी उत्पन्न बाजार समितीच्या (Solapur Agricultural Produce Market) आवारात गतसप्ताहात हिरवी मिरचीला (Green Chili) पुन्हा एकदा चांगला उठाव मिळाला. पण आवकेच्या तुटवड्यामुळे मिरचीचे दर पुन्हा तेजीत राहिले. हिरव्या मिरचीला प्रतिक्विंटलला सर्वाधिक ५००० रुपयांपर्यंत दर (Rate) मिळाल्याचे बाजार समितीच्या सूत्रांकडून सांगण्यात आले.

बाजार समितीच्या आवारात गतसप्ताहात हिरव्या मिरचीची (Green Chili) आवक रोज १० ते २० क्विंटल अशी राहिली. गेल्या दोन ते तीन महिन्यांपासून हिरव्या मिरचीचे दर तेजीत आहेत. मूळात आवक कमी आणि मागणी जास्त या तफावतीमुळे हे दर वाढल्याचे सांगण्यात येते. या सप्ताहातही पुन्हा तशीच स्थिती राहिली. त्यामुळे पुन्हा दर वधारलेले राहिले. हिरव्या मिरचीला प्रतिक्विंटला किमान ३००० रुपये, सरासरी ४००० रुपये आणि सर्वाधिक ५००० रुपये असा दर मिळाला. त्याशिवाय कारली, गवार, घेवडा यांचे दरही काहीसे स्थिर राहिले. (Carly, Guar and Ghewda also remained relatively stable.)

त्यांची आवकही (Incoming too) तुलनेने जेमतेमच राहिली. रोज प्रत्येकी १० ते १५ क्विंटल अशी आवक राहिली. कारल्याला प्रतिक्विंटलला किमान १५०० रुपये, सरासरी २५०० रुपये आणि सर्वाधिक ३००० रुपये, गवारला किमान २००० रुपये, सरासरी ३००० रुपये आणि सर्वाधिक ४००० रुपये तर घेवड्याला किमान १००० रुपये, सरासरी १५०० रुपये आणि सर्वाधिक २००० रुपये असा दर मिळाला.