नगर : नगर येथील दादा पाटील शेळके कृषी उत्पन्न बाजार समितीत गेल्या आठवडाभरात विविध जातीच्या आंब्याची आवक वाढली. भाजीपाल्याची आवक स्थिर असून दरात चढउतार सुरू आहे. दर दिवसाला सुमारे १४०० क्विंटलपर्यंत आवक होत आहे असे बाजार समितीतून सांगण्यात आले.

नगर येथील बाजार समितीत गेल्या आठवड्यात आंब्याची आवक वाढली आहे.हापूस आंब्याची दररोज १५ क्विंटलपर्यंत आवक होत असून ६ हजार ते दहा रुपये क्विंटलचा दर मिळाला. केशर आंब्याची १९ क्विंटलची आवक होऊन ७००० ते १३ हजार रुपये, बदाम आंब्याचे ११ क्विंटल आवक होऊन तीन हजार ते सहा, लालबाग आंब्याची ३२ क्विंटल आवक होऊन पाच हजार ते सात हजार रुपयांचा दर मिळाला.

भाजीपाल्यात टोमॅटोची ८० क्विंटल आवक होऊन १००० ते साडेतीन हजार रुपये प्रति क्विंटल दर मिळाला. वांगीची ४८ क्विंटलची आवक होऊन ५०० ते दोन हजार रुपये, फ्लॉवरची ९१ क्विंटलची आवक होऊन४०० ते ३२००, कोबीची ८५ क्‍विंटल आवक होऊन दोनशे ते सहाशे रुपये, काकडीची ७७ क्विंटल आवक होऊन ५०० ते १०००, अंगवरचे १४ क्विंटल आवक होऊन दीड हजार ते साडेतीन हजार, घोसाळ्याची नऊ क्‍विंटल आवक होऊन १००० ते २५००, कारल्याची २४ क्विंटलची आवक होऊन १५०० ते ३०००, भेंडीची ९१ क्विंटल आवक होऊन १००० ते अडीच हजार, घेवड्याची चार क्विंटल च्या ओके होऊन सहा ते नऊ हजार, बटाट्याची पावणे चारशे क्विंटलपर्यंत आवक होऊन १००० ते अठराशे, हिरव्या मिरचीची ९० क्विंटलपर्यंत आवक होऊन दोन हजार ते चार हजार रुपये, शेवग्याची २५ क्विंटलपर्यंत आवक होऊन १००० ते अडीच हजार रुपये, सिमला मिरचीची ६५ सेंटर पर्यंत फोन दोन हजार ते तीन हजार रूपयापर्यतचा दर मिळाला आहे.

आंबा कैऱ्यांची आवक सुरू

नगर येथील बाजारात आंबा कैरयाचीही आवक सुरू झाली आहे. सध्या दर दिवसाला ५० ते ५५ क्विंटलची आवक होत असून ८०० ते २००० रुपयाचा दर मिळत आहे. लिंबाचे दर चांगले आहेत. लिंबाला ८ हजार ते तेरा हजार रुपयांचा दर मिळत आहे. वाटाणे, पाले भाज्यांची आवकही चांगली होत असल्याचे बाजार समितीतून सांगण्यात आले.