सांगली ः सध्या बाजारात अर्ली मृग हंगाम घेतलेली डाळिंब बाजारात मोठ्या प्रमाणात दाखल होऊ लागली आहेत. बाजार समितीत डाळिंबाला सरासरी ३० रुपये प्रतिकिलो रुपये मिळत असल्याने डाळिंब उत्पादक शेतकरी मोठ्या आर्थिक अडचणीत सापडला आहे. उत्पादन खर्चही मिळणे कठीण झाले आहे. 

 

जिल्ह्यात सुमारे दहा हजार हेक्‍टरवर डाळिंबाचे क्षेत्र आहे. सर्वाधिक क्षेत्र आटपाडी तालुक्‍यात आहे. दुष्काळी पट्ट्यातील कवठेमहांकाळ, जत, आटपाटी तालुक्‍यात यंदा पाण्याची भीषण टंचाई होती.

 

पाणीटंचाईवर मात करून या पट्ट्यातील शेतकऱ्यांनी टॅंकरद्वारे पाणी देऊन डाळिंबाचा अर्ली मृग बहारातील उत्पादन घेतले. या हंगामात डाळिंबाला अपेक्षित दर मिळेल, अशी आशा होती. जिल्ह्यात डाळिंबाचे दर गेल्या सात ते आठ महिन्यांपासून सरासरी २५ ते ३० रुपये प्रतिकिलो असेच राहिले आहेत. त्यामुळे शेतकऱ्यांना कमी दरात डाळिंबाची विक्री करावी लागली आहे.

 

विष्णूअण्णापाटील फळ मार्केटमध्ये डाळिंब आवक (आवक - डझन, दर- प्रतिदहा किलो)

तारीख	आवक.	किमान दर	कमाल दर	सरासरी दर
18 सप्टेंबर	19086	50	500	300
27 सप्टेंबर	10473	200	500	.400
5 ऑक्‍टोबर	1770	200	400	300
6 ऑक्‍टोबर	4500	200	400	300
7 ऑक्‍टोबर	16490	.200	500	400
9 ऑक्‍टोबर.	10565	200	500	300
11 ऑक्‍टोबर	8870	100	400	300