हिंगोली ः हिंगोली कृषी उत्पन्न बाजार समितीअंतर्गत धान्य बाजारात (Grain Market) सोमवार (ता. ५) ते शनिवार (ता.१०) या कालावधीत सोयाबीनची ४४७२ क्विंटल आवक (Soybean Arrival) झाली. सोयाबीनला (Soybean Rate) प्रतिक्विंटल सरासरी ४८४९ ते ५४१५ रुपये दर मिळाले.

सोमवारी (ता.५) सोयाबीनची ११३० क्विंटल आवक होऊन प्रतिक्विंटल किमान ४८९९ ते कमाल ५५०० रुपये, तर सरासरी ५१९९ रुपये दर मिळाले. मंगळवारी (ता. ६) सोयाबीनची १००९ क्विंटल आवक होऊन प्रतिक्विंटल किमान ४०९९ ते कमाल ५६०० रुपये, तर सरासरी ४८४९ रुपये दर मिळाले. शुक्रवारी (ता.९) सोयाबीनची १२००क्विंटल आवक झाली.

तर प्रतिक्विंटल किमान ५१३० ते कमाल ५७०० रुपये, तर सरासरी ५४१५ रुपये दर मिळाले.शनिवारी (ता.१०) सोयाबीनची ११३३ क्विंटल आवक होती. त्या वेळी प्रतिक्विंटल किमान ५०८५ ते कमाल ५६६५ रुपये, तर सरासरी ५३६० रुपये दर मिळाले.

मागील काही आठवड्यांपासून सोयाबीनच्या दरात चढ-उतार सुरू आहेत. प्रतिक्विंटल किमान ६००० रुपये दर मिळावा, या अपेक्षेने शेतकरी सोयाबीन साठवून ठेवणे पसंत करत आहेत. त्यामुळे धान्य बाजारातील सोयाबीनची आवक कमी झाली आहे.