स्तनाच्या कर्करोगासाठी कराव्या लागणाऱ्या उपचारादरम्यानचे दुष्परिणाम (साईड इफेक्टस) कमी करण्यासाठी सोया दूध, टोफू यांसारखी सोया उत्पादने आणि कोबीवर्गीय भाज्या उपयुक्त ठरू शकत असल्याचे जॉर्जटाऊन विद्यापीठातील वैद्यकीय विभागात झालेल्या संशोधनात आढळले आहे. हे संशोधन ‘ब्रेस्ट कॅन्सर रिसर्च अॅण्ड ट्रिटमेंट’ या संशोधनपत्रिकेमध्ये प्रकाशित करण्यात आले आहे. स्तनाच्या कर्करोगासाठी उपचार पूर्ण झाल्यानंतर काही महिने किंवा वर्षानंतर उपचाराचे दुष्परिणाम शरीरावर दिसून येतात. प्रामुख्याने इस्ट्रोजन  संप्रेरकाची निर्मिती आणि वापरावर परिणाम होतो. त्याचप्रमाणे शरीरातून उष्णता बाहेर पडणे किंवा रात्रीच्या वेळी अधिक घाम येण्यासारखे अनुभव रुग्णांना येतात. कर्करोगानंतरच्या आयुष्यामध्ये झालेले बदल मोठ्या प्रमाणात त्रासदायक ठरत असतात. अशा दुष्परिणामावर आहारातील घटकांमुळे होणारे बदल तपासण्यात आले. त्यासाठी अमेरिकेतील जॉर्जटाऊन विद्यापीठामध्ये कार्यरत संशोधकांनी अमेरिकेतील १७३ स्पॅनिश व्यतिरिक्त श्वेतवर्णीय आणि १९२ चीनवंशीय महिलांतील स्तनाच्या कर्करोगावर उपचार घेतलेल्या रुग्णांचा अभ्यास केला.

थोडक्यात निष्कर्ष :