द्राक्षबागेत वेलीच्या कालपर्यंत व्यवस्थितरीत्या सर्व घडामोडी सुरू होत्या. परंतू, सांगली जिल्ह्यातील वाळवा, तासगाव, कर्नाटकातील विजापूर, जमखंडी भागात वादळी वारे सुरू होऊन जवळपास एक तासभर गारपीट झाली. यामुळे सुरळीत असलेली वेलीच्या वाढीत अचानक बदल घडले, बऱ्याच बागेमध्ये नुकसान झाले. अशा स्थितीमध्ये अधिक नुकसान टाळण्यासाठी पुढील उपाययोजना उपयोगी ठरतील.   खरडछाटणी घेतलेली बाग

रिकटनंतरची बाग वर दिल्याप्रमाणे या बागेतही अडचणी आढळून येतील. ज्या बागेत ओलांड्यावर गारांचा मार बसला व जखम झाली. अशा बागेत ओलांड्याचा रिकट घ्यावा का, अशी शंका शेतकऱ्यांच्या मनात उद्भवते. अशा वेळी पावसामुळे जमिनीत मुळांच्या कक्षेत पाणी जास्त झाल्याने नवीन मुळेही झपाट्याने तयार होतील. त्यामुळे खाडापासून ओलांड्यापर्यंत रसनिर्मिती जास्त प्रमाणात होईल. असे झाल्यास ओलांड्यावर झालेली जखम भरून येण्यास मदत होईल. तेव्हा ओलांड्याचा रिकट न घेता अन्नद्रव्याचा वापर करून वाढ सरळ करून घ्यावी. या वाढत्या आर्द्रतेमुळे वाढीचा जोम जास्त राहिल. तेव्हा घडनिर्मितीस बाधा येऊ नये म्हणून ६ बीए १० पीपीएम व युरासील २५ पीपीएम या प्रमाणात फवारणी करावी. त्यासोबत वाढीचा जोम नियंत्रणात ठेवण्याकरिता ०-५२-३४ या खताची दीड ते दोन ग्रॅम प्रती लीटर पाणी या प्रमाणे एक ते दोन फवारण्या घ्याव्यात. खत व्यवस्थापन  कालपर्यंत वाढलेल्या फुटींकरिता वापरलेली अन्नद्रव्ये वाया गेल्यासारखीच आहेत. आता पुन्हा वाढ करून फळधारीत काड्या तयार करण्यासाठी वाढ होणे गरजेचे आहे. या करिता जमिनीतून नत्र आणि स्फुरदाची उपलब्धता आवश्यक असेल. छाटणीनंतर निघालेल्या चार पाच पाने अवस्थेतील बागेत युरीया एक ते सव्वा किलो प्रती एकर प्रती दिवस या प्रमाणे तीन ते चार वेळा द्यावे. सबकेन झालेल्या बागेत युरीया फक्त एकदाच द्यावा. तसेच युरीया दीड ते दोन ग्रॅम प्रती लीटर या प्रमाणे फक्त एकदा फवारणी करावी. या बागेत एक दोन दिवसानंतर पानांच्या वाट्या होताना दिसून येतील. सोर्स सिंक गुणोत्तर ( वेलीची गरज व पुरवठा यातील ताळमेळ) अचानक बिघडल्यामुळे ही परिस्थिती तयार होते. अशा वेळी ०-०-५० या खताची दोन ग्रॅम प्रती लीटर या प्रमाणे एक फवारणी घ्यावी. तसेच ०-०-५० हे खत दोन ते अडीच किलो प्रती एकर या प्रमाणे ड्रिपद्वारे द्यावे. रोग व्यवस्थापन

संपर्क- डॉ. आर. जी. सोमकुंवर, ९४२२०३२९८८ (संचालक व प्रमुख शास्त्रज्ञ, राष्ट्रीय द्राक्ष संशोधन केंद्र, मांजरी, जि. पुणे)