नारळ झाडाच्या आळ्यात चर काढून खत द्यावे.
नारळ झाडाच्या आळ्यात चर काढून खत द्यावे. 
कृषी सल्ला

कृषी सल्ला (खरीप भात, चिकू, नारळ, हळद)

ग्रामीण कृषी मौसम सेवा आणि कृषी विद्या विभाग, डॉ. बाळासाहेब सावंत कोकण कृषी विद्यापीठ, दापोली)

खरीप भात 

  • दाणे भरण्याची अवस्था (हळव्या जाती)
  • पोटरी ते फुलोरा अवस्था (निम गरव्या आणि गरव्या जाती)
  • भात खाचरात पाण्याची पातळी ५ ते १० सेंमीपर्यंत नियंत्रित करावी.
  • फुलोरा अवस्थेतील निम गरव्या भात पिकास नत्र खताची तिसरी मात्रा ४३५ ग्रॅम युरिया प्रति गुंठा द्यावी.
  • हळवे भात दुधाळ अवस्थेत असताना लोंबीवरील ढेकण्या किडीचा प्रादुर्भाव दिसून येण्याची शक्यता असते. किडीच्या प्रादुर्भावासाठी पिकाचे सातत्याने निरीक्षण करावे.

    • नियंत्रण  (फवारणी : प्रतिलिटर पाणी)

  • लॅम्बडा सायहॅलोथ्रीन (५ टक्के प्रवाही) ०.५ मिलि किंवा
  • डेल्टामेथ्रीन (२.८ टक्के प्रवाही) ०.९ मिलि किंवा
  • इमिडाक्‍लोप्रिड (१७.८ टक्के प्रवाही) ०.२ मिलि

    • ( टीप :  ॲग्रेस्को शिफारशी आहेत.) चिकू 

  • फळधारणा
  • बागेतील गळून पडलेली अपरिपक्व, कीडग्रस्त फळे गोळा करून खोल जमिनीत गाडून टाकावीत.
  • एक वर्ष वयाच्या प्रत्येक कलमास शेणखत ५ किलो, युरिया १५० ग्रॅम, सिंगल सुपर फॉस्फेट ४५० ग्रॅम आणि म्युरेट ऑफ पोटॅश १५० ग्रॅम याप्रमाणे खतांचा पहिला हप्ता द्यावा. खते कलमाच्या विस्ताराच्या आतमध्ये बांगडी पद्धतीने चरात देऊन चर बुजवून घ्यावा.
  • पहिल्या वर्षी दिलेली खतमात्रा दुसऱ्या वर्षी दुप्पट, तिसऱ्या वर्षी तिप्पट याप्रमाणे वाढवून २० वर्षांपर्यंत २० पट या प्रमाणात द्यावी. वीस वर्षांनंतर प्रति कलमास १०० किलो शेणखत, ३ किलो युरिया, ९ किलो सिंगल सुपर फॉस्फेट आणि ३ किलो म्युरेट ऑफ पोटॅश खताची पहिला मात्रा द्यावी.

    • नारळ 

  • फळधारणा
  • पाच वर्षांवरील प्रति माडास ७५० ग्रॅम युरिया व ६६७ ग्रॅम म्युरेट ऑफ पोटॅश खताची दुसरी मात्रा बांगडी पद्धतीने द्यावी. ही खतांची मात्रा ५ वर्षांपेक्षा कमी वयाच्या लागवडीस देताना पहिल्या वर्षी १/५ पट, दुसऱ्या वर्षी २/५ पट, तिसऱ्या वर्षी ३/५ पट आणि चौथ्या वर्षी ४/५ पट द्यावी.
  • याव्यतिरिक्त निंबोळी पेंड १० किलो आणि झिंक, बोरॉन, मॉलिब्डेनम, कॉपर ही अतिसूक्ष्म अन्नद्रव्ये २०० ग्रॅम प्रति माड याप्रमाणे वर्षातून एकदा द्यावी. ही मात्रा शक्यतो दुसऱ्या किंवा तिसऱ्या खताच्या मात्रेसोबत देण्यात यावी.

    • हळद 

  • वाढीची अवस्था
  • लागवडीनंतर तीन महिन्यांनी नत्र खताची दुसरी मात्रा ८५० ग्रॅम युरिया प्रति गुंठा पावसाची उघडीप पाहून द्यावी. खते हळदीच्या ओळीलगत चर घेऊन त्यात टाकून मातीने झाकून घ्यावीत.

    • - (०२३५८) २८२३८७ (ग्रामीण कृषी मौसम सेवा आणि कृषी विद्या विभाग, डॉ. बाळासाहेब सावंत कोकण कृषी विद्यापीठ, दापोली)

    Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Also Read

    Delhi Farmers' protest : भाजपच्या उमेदवारांविरोधात पंजाबमध्ये शेतकऱ्यांचा रोष वाढला; एसकेएमचा विरोध कायम

    Lok Sabha Constituency : कोल्हापूर जिल्ह्यातील ३७ लाख ५० हजार मतदारांचा कौल कोणाला? मतदान केंद्रे सज्ज

    Fire in Nainital : उत्तराखंडच्या जंगलातील आग पोहचली शेताच्या बांधावर, एका महिलेचा होरपळून मृत्यू

    Animal Ear Tagging : ...अन्यथा भरपाई अन् अनुदान नाही

    Sunburn Crop : कोवळी रोपे वाचविण्यासाठी शेतकरी सरसावला

    SCROLL FOR NEXT