साधारणपणे गायीचा गाभण काळ ९ महिने ९ दिवसाचा तर म्हशींचा गाभण काळ १० महिने १० दिवसांचा असतो.

गाभण काळात गर्भाशयातील वासराच्या वाढीबरोबर पुढील वेतातील दूध उत्पादनासाठी दुग्ध पेशींचा विकास, गर्भाशयाचे आरोग्य या सर्व गोष्टी प्रसूतीपूर्व व्यवस्थापनावर अवलंबून असतात.

गाभण गायी सातव्या महिन्यात तर गाभण म्हशी आठव्या महिन्यापासून स्वतंत्र बांधायला सुरुवात करावी.

शेवटच्या अडीच ते तीन महिन्यात वासराची ६० ते ७० टक्के वाढ होत असते. या दिवसांतील आहारातील कमतरता, जनावरांच्या पुनरुत्पादनात अडचण निर्माण करू शकतात.