कुसुंबा, ता. धुळे ः येथे किरण नाना शिंदे युवा मंचच्या वतीने व राष्ट्रवादीचे माजी जिल्हाध्यक्ष किरण शिंदे यांच्या संकल्पनेने जनावरांना लम्पी स्कीन आजारावर (Lumpy Skin Disease) लसीकरण (Lumpy Skin Vaccination) शिबिराचे आयोजन करण्यात आले. यावेळी सुमारे ६०० गुरांना मोफत लसीकरण करण्यात आले.

या आजाराचा जिल्ह्यातील जनावरांमध्ये मोठ्या प्रमाणात प्रादुर्भाव आढळून येत आहे. या पार्श्वभूमीवर किरण नाना शिंदे युवा मंचतर्फे जनावरांचे मोफत लसीकरण मोहीम राबवली. या शिबिरात जवळपास ६०० जनावरांना प्रतिबंधात्मक लसीकरण तर ६ लम्पी बाधित जनांवर मोफत औषधोपचार करण्यात आले.

शिबिराच्या यशस्वीतेसाठी पशुवैद्यक डॉ.चेतन शिंदे, डॉ पंकज शिंदे, डॉ.नवनीत परदेशी, पशुवैद्यकीय अधिकारी रमन गावित, हिरालाल परदेशी आदींनी परीश्रम घेतले.