Agriculture News : अमरावती पूर्वमॉन्सूनमध्ये लागवड केलेल्या कपाशीवर गुलाबी बोंडअळीचा प्रादुर्भाव आढळून आल्याने शेतकऱ्यांच्या चिंतेत भर पडली आहे. वलणी खुर्द, वलणी बुद्रुक येथील शेतशिवारात हा प्रकार निदर्शनास आला असून, आगामी काळात प्रादुर्भाव वाढण्याची शक्यता आहे..पथ्रोट येथील शेतकरी नरेश सुईगोत यांनी वलणी बुद्रुक येथील शेतात मे महिन्याच्या शेवटच्या आठवड्यात उपलब्ध पाण्यावर कपाशीची लागवड केली. सध्या पिकाची चांगली वाढ झाली असून, एका झाडाला ७० हून अधिक बोंडे लागली आहेत. त्यामुळे यंदा चांगले उत्पादन मिळण्याची अपेक्षा निर्माण झाली होती. मात्र, बोंडांची पाहणी केली असता अनेक बोंडांवर छिद्रे दिसून आली. बोंडे तोडून पाहिल्यानंतर त्यामध्ये गुलाबी बोंडअळी आढळून आली..Pink Bollworm: कामगंध सापळ्यांद्वारे गुलाबी बोंड अळी चा अटकाव.पावसाअभावी पिकांना आधीच पाण्याचा ताण जाणवत असताना बोंडअळीचा प्रादुर्भाव झाल्याने उत्पादनावर तसेच आर्थिक नियोजनावर परिणाम होण्याची भीती शेतकऱ्यांनी व्यक्त केली. सध्या पूर्वमॉन्सूनमध्ये लागवड केलेल्या कपाशीमध्येच हा प्रकार आढळून आला आहे. मॉन्सूनच्या पावसावर लागवड केलेल्या कपाशीच्या बोंडांमध्ये अद्याप प्रादुर्भाव दिसून आलेला नाही. मात्र, शेतकऱ्यांनी खबरदारी घेण्यास सुरुवात केली आहे..Rainfall Deficit: सोयाबीन सलाइनवर; कपाशीची वाढ खुंटली.असे होते नुकसानगुलाबी बोंडअळी सुरुवातीला पांढरट रंगाची असते. पूर्ण वाढ झाल्यानंतर ती गुलाबी रंगाची होते. हिरव्या बोंडात शिरल्यानंतर अळी प्रवेशाचे छिद्र बंद करून घेते. त्यामुळे बाहेरून पाहणी करताना प्रादुर्भाव सहज लक्षात येत नाही. बोंडातच अळीची वाढ पूर्ण होते. बाहेर पडताना ती बोंडाला छिद्र करते. परिणामी सरकीचे मोठ्या प्रमाणात नुकसान होते, असे कृषी क्षेत्रातील तज्ज्ञांनी सांगितले..पूर्वमॉन्सूनमध्ये पिकांची लागवड करण्यास शासन दरवर्षीच मनाई करते. आम्हाला ठरलेल्या तारखेलाच बियाण्यांची विक्री करण्याचे आदेश असतात. परंतु शेतकरी आपल्या स्रोतांनुसार बियाण्यांची उपलब्धता करून पूर्वमॉन्सूनमध्ये लागवड करतात. त्यामुळे बोंडअळीचा हा प्रकार उद्भवतो. मात्र, उपलब्ध पाण्यावर लागवड केलेल्या ठिकाणी हा प्रकार आढळून येत नाही. शेतकऱ्यांनी शासनाच्या सूचनांचे पालन करून नुकसान टाळावे.- राजेश कुंजेकर, कृषी साहित्य विक्रेता, पथ्रोट.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
