पुणे ः आजकाल प्रत्येकजण आर्थिक उत्पन्न वाढविण्यासाठी काहीना काही व्यवसाय करण्याच्या विचारात असतो. कृषीपूरक व्यवसायांमध्ये परसबागेतील कुक्कुटपालन (Backyard Poultry) हा सोयीस्कर आणि तुलनेने सोपा व्यवसाय आहे.

या व्यवसायाबाबत सविस्तर मार्गदर्शन करणारी दोन दिवसीय विशेष कार्यशाळा ता. २४ व २५ डिसेंबर रोजी एसआयआयएलसीतर्फे आयोजिली आहे.

यात परसबागेतील कुक्कुटपालन व्यवसायाचे महत्व, विकसित पक्ष्यांच्या विविध जाती, उपजाती (वनराज, गिरीराज, ग्रामप्रिया, स्त्रीनिधी, कृषि-ब्रो, ग्रामस्त्री, सुवर्णधारा, कावेरी, कडकनाथ इ.) पक्ष्यांचे व्यवस्थापन-ऊब, पाणी औषध व लसीकरण व्यवस्थापन, खाद्य व्यवस्थापन, पक्ष्यांचा निवारा-शेडचे व्यवस्थापन, व्यवसायाचे अर्थशास्त्र- भांडवली गुंतवणूक, नफा तोटयाचे गणित, व्यवसायाचा प्रकल्प आराखडा, चिकण व अंड्यांचे विक्री व्यवस्थापन,

पदार्थांचे मुल्यवर्धन, मार्केटींग-बाजारपेठ, पोल्ट्री यशस्वी करण्याची सूत्रे, बॅंकेला प्रकल्प सादरीकरणाची कागदपत्रे, वित्तसहाय्य, व्यवसायासाठी शासकीय अनुदान इ.विषयी मार्गदर्शन तसेच पोल्ट्री फार्मला शिवारफेरीचे आयोजन आहे. जेवण, चहा, प्रमाणपत्र आणि शिवारफेरीसह प्रतिव्यक्ती ४००० रुपये शुल्क आहे. अधिक माहिती व नावनोंदणीसाठी संपर्क : ९१४६०३८०३१, कार्यशाळेचे ठिकाणः सकाळनगर, गेट नं.१, बाणेर रोड, पुणे