मावा किड प्रादुर्भाव, लिफ कर्ल व्हायरसचा प्रादुर्भाव
मावा किड प्रादुर्भाव, लिफ कर्ल व्हायरसचा प्रादुर्भाव 
ॲग्रो गाईड

भाजीपाला पीक सल्ला

डॉ. यु. एन. आळसे, डी. डी. पटाईत

मिरची  

  •  गादीवाफ्यावरील रोपांची मुख्य शेतात लागवड करावी. लागवड ६०x६० किंवा ६०x४५ सें.मी. अंतरावर करावी.
  •  लागवडीपूर्वी हेक्‍टरी शेणखत २५ टन, नत्र ५० किलो, स्फुरद ८० किलो व पालाश ५० किलो अशी खतमात्रा द्यावी.  
  •  पिकास जमिनीच्या मगदूरानुसार ६ ते ८ दिवसांच्या अंतराने पाण्याच्या पाळ्या द्याव्यात. 
  • पुनर्लागवड केल्यानंतर रोपांवर रसशोषण करणाऱ्या मावा, फुलकीड आदी किडींचा प्रादुर्भाव होतो. रसशोषक किडी या लिफ कर्ल व्हायरसच्या वाहक असतात. त्यांच्या नियंत्रणासाठी तातडीने उपाय करावेत. 

    • रसशाेषक कीड नियंत्रण   रोपप्रक्रिया ः प्रतिलिटर पाणी  इमिडाक्‍लोप्रिड (१७.८ टक्के) ०.३ मि.लि.  सूचना:  रोपे वरील द्रावणात बुडवूनच लावावीत.  फवारणी ­ः प्रति लिटर पाणी फिप्रोनिल (५ टक्के) २ मि.लि. 

    भाजीपाला 

  • रताळी पिकाची काढणी व नवीन पिकाची लागवड याच महिन्यात करावी. 
  •  गवार, भेंडी, मेथी, अंबाडी, चुका, पालक, कोथिंबीर व वेलवर्गीय भाज्यांची लागवड करावी. 
  •  जानेवारी महिन्यात लावलेल्या काकडी वर्गीय भाजीपाला, गवार, भेंडी इत्यादी पिकांना नत्राचा दुसरा प्रतिहेक्टरी ५० किलो या प्रमाणात द्यावा. 
  •  कोथिंबीर लागवडीसाठी स्थानिक शिंपी, डी डब्ल्यु-३ किंवा सीएस-४ या जातींची निवड करावी. 
  •  वांगी पिकाच्या वैशाली किंवा प्रगती या सुधारित जातींची लागवड करावी. 
  •  काकडी लागवडीसाठी जॅपनीज लॉग या सुधारित जातींची निवड करावी. 
  •  कारली लागवडीसाठी पुसा नसदार या जातींची निवड करावी. शिरी दोडका पिकासाठी कोकण हरिता व फुले सुचेता या जातींची निवड करावी. 

    •    पाणी व्यवस्थापन

  • उपलब्ध पाण्याचा काटकसरीने व कार्यक्षम वापर करावा. शक्‍यतो सिंचनासाठी ठिबकसिंचन, भूमिगत ठिबकसिंचन, तुषारसिंचन आदी पद्धतींचा अवलंब करावा. ठिबकसिंचन संच नसल्यास मडका सिंचनपद्धतीने पाणी द्यावे. तण नियंत्रण करावे.
  •   जमिनीतील ओलावा टिकवून ठेवण्यासाठी आच्छादनाचा वापर करावा. 
  •   हलकी कोळपणी करून जमिनीत पडलेल्या भेगा बुजवाव्यात. पिकाला मातीची भर लावावी. 
  •   उष्ण वाऱ्यामुळे पानांतून होणाऱ्या बाष्पीभवनाचा वेग कमी करण्यासाठी शेताच्या सभोवताली सजीव कुंपणाची लागवड करावी. तसेच शेडनेट किंवा इतर कापडांचे कुंपण करावे. 
  •   नवीन फळझाडांना सावली करावी. झाडांचा आकार मर्यादित ठेवावा. अनावश्‍यक फांद्यांची छाटणी करावी. पाण्याचा ताण पडल्यास फळसंख्या कमी ठेवावी. फळबागांमध्ये खोडाभोवती मातीचा थर द्यावा.  
  •   पाण्याची ताण सहन करण्याची क्षमता निर्माण होण्यासाठी पिकांवर त्यांच्या अवस्थेनुसार पोटॅशियम नायट्रेट ०.५ ते १.५ टक्के (५ ते १५ ग्रॅम प्रतिलिटर पाणी) फवारणी करावी. 
  •   खतांची मात्रा जमिनीत ओल असताना द्यावी. खते पिकांच्या मुळांच्या सानिध्यात द्यावी. ठिबक सिंचनाची सोय असल्यास खते ठिबक सिंचन संचातून द्यावीत. जमिनीत ओलावा नसल्यास किंवा सिंचनासाठी पाण्याची कमतरता असल्यास उपलब्ध पाण्यातून विद्राव्य खतांची मात्रा ठिबकसिंचन संचातून द्यावी. तसेच फवारणीच्या माध्यमातून सूक्ष्म अन्नद्रव्ययुक्त मिश्रण (ग्रेड - २ ) ची २ ग्रॅम प्रतिलिटर पाणी याप्रमाणात मात्रा द्यावी. 

    •        ०२४५२-२२९०००    

          (कृषि तंत्रज्ञान माहिती केंद्र, वसंतराव नाईक मराठवाडा कृषि विद्यापीठ, परभणी.)

    Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

    ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

    Also Read

    Milk Production : वाढत्या उष्णतेचा पशुधनावर थेट परिणाम, मुदतपूर्व प्रसूतीच्या घटनांत वाढ

    Climate Change : जो स्वतःला बदलेल, तोच टिकेल

    River Pollution : नदी प्रदूषणाबाबत गंभीर कधी होणार?

    Animal Care : दूध, आरोग्य अन् अर्थकारणावरही परिणाम

    Environment Emergency : सावधपणे ऐका निसर्गाच्या हाका...

    SCROLL FOR NEXT