Need to be careful to reduce methane emissions
गेल्या भागामध्ये विविध हरितगृह वायू कोठून येतात, याचा आढावा घेतला. त्यातील पशुपालन आणि कृषी क्षेत्रातून उत्सर्जित होणाऱ्या महत्त्वाच्या मिथेन वायू उत्सर्जन कमी करण्यासाठीची माहिती व नव्या संशोधन या लेखामध्ये पाहू. वातावरणावरील दीर्घकालीन आणि अल्पकालीन परिणामांचा विचार केला असता मानवी हस्तक्षेपामुळे निर्माण होणाऱ्या मिथेन या हरितगृह वायूकडे दुर्लक्ष करून चालणार नाही. कारण, अल्पकालीन परिणामांमध्ये त्याचे प्रमाण जवळपास अर्ध्याइतके आहे.
संपूर्ण जगासाठी कोणतेही एक धोरण किंवा प्रारूप काम करणार नाही. मध्य पूर्व आणि आफ्रिकेमध्ये तेलाच्या उत्पादनातून मिथेनचे उत्सर्जन होते. अत्यंत कमी खर्चामध्ये ते कमी करता येणेही शक्य आहे. युरोप आणि लॅटीन अमेरिका येथील डेअरी आणि गोमांस उत्पादन हे मुख्य स्रोत आहेत. त्यामध्ये तुलनेने अल्प तांत्रिक संधी आहेत. मात्र, उत्तर अमेरिकेतील शेल वायूंच्या काढण्यामध्ये होणारे मिथेनचे उत्सर्जन हे अल्प खर्चामध्ये कमी करता येऊ शकते. या प्रकारे प्रादेशिक आणि विभागनिहाय विशिष्ट दृष्टिकोनातून उत्सर्जन कमी राखण्यासाठी प्रयत्न केले पाहिजेत. - लेना हॉगलंड - इसाकसन
