सर्वसाधारण सर्वच द्राक्ष विभागांमध्ये येत्या आठवड्यामध्ये कोठेही पावसाची शक्यता नाही. काही ठिकाणी म्हणजेच सांगली, पुण्याच्या जवळपासच्या विभागामध्ये वातावरण अधूनमधून ढगाळ राहील. सर्वच विभागांंमध्ये पुढील चार ते पाच दिवस तरी कमाल तापमान ३० अंश सेल्सिअसच्या वर आणि ३५ अंश सेल्सिअसच्या जवळपास राहण्याची शक्यता आहे. फक्त पुण्याजवळचा भाग म्हणजे यवत, रोहू, श्रीगोंदा, पारगाव, इंदापूर, बोरी आणि बारामती या भागामध्ये अनपेक्षितपणे कमाल तापमान १६ ते १७ तारखेनंतर ३० अंश सेल्सिअसच्या खाली जाण्याची शक्यता आहे. याच विभागामध्ये इतर विभागांच्या प्रमाणामध्ये जास्त आर्द्रता राहण्याची शक्यता आहे. सकाळी पडणाऱ्या दवाकडे या विभागातील शेतकऱ्यांनी विशेष लक्ष द्यावे.
०२०-२६९५६००१ (संचालक, राष्ट्रीय द्राक्ष संशोधन केंद्र, मांजरी, जि. पुणे)
