Satara News : सातारा : जलसाक्षरता वाढवणे, पाण्याच्या बचतीचे महत्त्व पटवून देणे आणि जल व्यवस्थापनाच्या शासनाच्या उपाययोजना राबवणे यासाठी जलसंपदा विभागाच्या वतीने १५ ते ३० या कालावधीत जल व्यवस्थापन कृती पंधरवडा साजरा केला जाणार आहे, अशी माहिती पालकमंत्री शंभूराज देसाई यांनी केले.

यावेळी त्यांनी कोयना नदीपात्रात जलपूजन करून जल है तो कल है चा संदेश दिला. मंगळवारी (जल व्यवस्थापन कृती पंधरवड्याचे उद्घाटन करून ३० एप्रिलपर्यंत विविध कार्यक्रम या उपक्रमांतर्गत घेण्यात येणार आहेत. या उपक्रमाच्या वेळी जिल्हाधिकारी संतोष पाटील, मुख्य कार्यकारी अधिकारी याशनी नागराजन, पोलिस अधीक्षक समीर शेख, पाटबंधारे विभागाचे अधीक्षक अभियंता अरुण नाईक, जयंत शिंदे, लोकनेते बाळासाहेब देसाई सहकारी साखर कारखान्याचे संचालक यशराज देसाई आदी उपस्थित होते.

यामध्ये पंधरवड्यात जलसंपदा अधिकारी/कर्मचारी यांचे प्रशिक्षण व ई-ऑफिस प्रणाली कार्यान्वित करणे, स्वछ व सुंदर माझे कार्यालय, शेतकरी/पाणी वापर संस्था संवाद, भूसंपादन व पुनर्वसन इ. अडचणी निराकरण, कालवा पाहणी, कालवा स्वच्छता अभियान, उपसा सिंचनाचे पाणी परवानगी देण्यासाठी तक्रारीची निरसन करणे, अनधिकृतपणे वाणिज्य व औद्योगिक पाणी उपसा प्रकरणे शोध घेऊन कार्यवाही करणे,

जलसंपदा व कृषी विभागामार्फत संयुक्तपणे पीक पद्धतीबदल, उत्पादकता वाढ, पाण्याचे नियोजन इ. बाबत बैठक/कार्यशाळा मार्गदर्शन कार्यक्रम, सिंचन ई-प्रणाली, पाणी दर, पाणीपट्टी आकारणी व वसुली, थकीत पाणीपट्टी प्रकरणांचा आढावा, विद्यापीठ/केव्हीके/ सेवाभावी संस्था

यांचे समवेत संवाद व कृती कार्यक्रम, महानगरपालिका, नगरपालिका, धरणांमध्ये व नदीमध्ये सांडपाणी सोडण्यात येत असल्याबद्दल प्रकरणांचा शोध घेणे, आपत्ती व्यवस्थापन करण्यात मार्गदर्शन पूर/मालमत्तेचे रक्षण, महसूल विभागाद्वारे महामंडळाचे नावे संपादित जमिनींच्या सातबारावर नोंदी घेणे हे उपक्रम राबविण्यात येणार आहेत.