Washim News : जिल्ह्यात यंदाच्या खरीप हंगामातील प्रमुख पिकांची सरासरी हंगामी पैसेवारी ६४ पैसे इतकी जाहीर करण्यात आली आहे. जिल्ह्यात एकूण ७९३ महसूली गावे असून ४६ मंडलांमध्ये ही पैसेवारी काढण्यात आली आहे.

प्रशासनाने दिलेल्या माहितीनुसार, वाशीम तालुक्यात एकूण १३१ महसुली गावे असून ९ मंडल आहेत. या सर्व १३१ गावांची प्रमुख पिकांची काढण्यात आलेली सरासरी हंगामी (नजर अंदाज) पैसेवारी ६७ पैसे आहे. या तालुक्यात पिकाखालील क्षेत्र २४ हजार ३४६ हेक्टर आहे. मालेगाव तालुक्यात १२२ गावे असून ८ मंडल आहेत.

या सर्व १२२ गावांची प्रमुख पिकांची पैसेवारी ५९ पैसे आहे. पिकाखालील क्षेत्र ५५ हजार ७७९ हेक्टर आहे. रिसोड तालुक्यात १०० महसुली गावे असून ८ मंडले आहेत. या सर्व १०० गावांची गावांची प्रमुख पिकांची काढण्यात आलेली पैसेवारी ६३ पैसे एवढी आहे. तालुक्यात २७ हजार ७५८ हेक्टर क्षेत्र आहे. मंगरूळपीर तालुक्यात १३७ महसुली गावे असून ७ मंडले आहेत. ४६ हजार ६२८ हेक्टर एवढे खरीप क्षेत्र आहे.

या सर्व १३७ गावांची गावांची प्रमुख पिकांची पैसेवारी ६४ पैसे निघाली. कारंजा तालुक्यात एकूण १६७ महसूली गावे असून ८ मंडले आहेत. या गावांची प्रमुख पिकांची पैसेवारी ६६ पैसे निघाली. या तालुक्यात ५० हजार ७०१ हेक्टर क्षेत्र आहे.

तर मानोरा तालुक्यात १३६ गावे असून ६ मंडले येतात. या तालुक्याची पैसेवारी ६३ पैसे आहे. पिकाखालील क्षेत्र ४४ हजार २२३ हेक्टर एवढे आहे. जिल्ह्यातील खरीप हंगामातील हंगामी पैसेवारी सरासरी ६४ पैसे इतकी आली आहे. खरिपात २ लाख ४९ हजार ४३५ हेक्टर क्षेत्र आहे.