Ahilyanagar News : जिल्हा परिषदेच्या स्वनिधीतून अहिल्यानगर जिल्ह्यातील ३३३ शेतकऱ्यांना कडबाकुट्टीचा लाभ दिला आहे. त्यासाठी प्रत्येक लाभार्थ्यांना ९ हजाराचे अनुदान कडबाकुट्टी खरेदीसाठी मिळणार आहे. मात्र मागणीच्या तुलनेत हा लाभार्थी संख्या अल्प असल्याचे दिसून येत आहे.

जिल्हा परिषदे कृषी विभागाअंतर्गत स्वनिधीतून शेतकऱ्यांना विविध योजनांचा लाभ दिला जातो. गेल्या अनेक वर्षापासून कडबाकुट्टीचा लाभ दिला जातो. त्यासाठी प्रत्येक शेतकऱ्यांना ९ हजाराचे खरेदीसाठी अनुदान दिले जाते. कडबाकु्ट्टीचा लाभ मिळावा यासाठी मागणी अधिक असते.

यंदा जिल्ह्यातील ३३३ शेतकऱ्यांची कडबाकुट्टीच्या लाभासाठी निवड केली आहे. दरवर्षी जिल्हा परिषद सदस्यांच्या शिफारशीनुसार लाभार्थी निवड केली जात होती.

सध्या जिल्हा परिषदेवर प्रशासक आहे. त्यामुळे जिल्हा परिषदेच्या कृषी विभाग प्रशासनाने प्रथम आलेल्या प्राधान्य या या सूत्रानुसार लाभार्थी निवड केली असल्याचे सांगण्यात आले.

कडबाकुट्टीच्या लाभासाठी अनुदान मिळावे याबाबत मागणी अधिक आहे. मात्र मागणीच्या तुलनेत निधी नसल्याने लाभ मिळत नसल्याचे शेतकऱ्यांचे म्हणणे आहे. यंदा कडबाकुट्टीचा लाभ देण्याच्या अनुदानावर तीस लाखाचा खर्च केला जाणार आहे.

तालुकानिहाय लाभार्थी...

अकोले ः २७, संगमनेर ः ४१, कोपरगाव ः २३, राहाता ः २३, श्रीरामपूर ः १८, राहुरी ः २३, नेवासा ः ३२, शेवगाव ः १८, पाथर्डी ः २३, कर्जत ः १८, जामखेड ः १०, श्रीगोंदा ः २७, पारनेर ः २३, अहिल्यानगर ः २७.