Nagar News : जिल्ह्यात मुलांच्या तुलनेत मुलींचे प्रमाण कमी आहे. लिंगगुणोत्तराचे हे प्रमाण वाढीसाठी व मुलगा-मुलगी हा भेदभाव समाजातून नष्ट करण्यासाठी प्रभावी कृती कार्यक्रम राबवा.

नगर जिल्ह्यातील सोनेग्राफी सेंटरच्या माध्यमातून अवैधरीत्या स्त्रीभ्रूणहत्येचे प्रकार होत असतील तर या प्रकाराला आळा घालण्यासाठी सोनेग्राफी केंद्रावर अचानक धाडी टाकून तपासणी करण्यात याव्यात, अशा सूचना महिला आयोगाच्या अध्यक्ष रूपाली चाकणकर (Rupali Chakankar) यांनी दिल्या आहे.

नगर येथे जिल्हाधिकारी कार्यालयात रूपाली चाकणकर यांच्या उपस्थितीत आढावा बैठक झाली.

जिल्हाधिकारी सिद्धाराम सालीमठ, जिल्हा परिषदेचे मुख्य कार्यकारी अधिकारी आशिष येरेकर, जिल्हा विधी सेवा प्राधिकरणाच्या सचिव भाग्यश्री पाटील, महापालिका आयुक्त डॉ. पंकज जावळे, जिल्हा महिला व बाल विकास अधिकारी बी. बी. वरूडकर, जिल्हा कार्यक्रम अधिकारी मनोज ससे, जिल्हा संरक्षण अधिकारी दीपक पाटील, संध्या रशीनकर आदी उपस्थित होते.