Crop Loss Compensation : नांदेड पावसाच्या प्रदीर्घ खंडामुळे जिल्ह्यातील खरीप पिकांची अवस्था बिकट झाली आहे. अनेक भागांत सोयाबीन पीक करपून वाळून गेले आहे. या पार्श्वभूमीवर राष्ट्रवादी काँग्रेस (शरदचंद्र पवार) पक्षाचे आमदार रोहित पवार यांनी सोमवारी (ता. २१) नांदेड जिल्ह्यातील दुष्काळग्रस्त भागाचा दौरा करून शेतकऱ्यांच्या बांधावर जाऊन पीक नुकसानीची पाहणी केली..गेल्या काही वर्षांत सोयाबीनने शेतकऱ्यांना चांगला आर्थिक हात दिल्याने जिल्ह्यात या पिकाच्या क्षेत्रात मोठी वाढ झाली. मात्र, यंदा पावसाने ओढ दिल्याने ऐन पीकवाढीच्या आणि शेंगा भरण्याच्या काळात पिकाला पाण्याचा मोठा ताण बसला. अनेक ठिकाणी सोयाबीनची झाडे करपून वाळली असून, उत्पादनाची शक्यता अत्यल्प राहिली आहे. त्यामुळे पेरणीपासून पीक व्यवस्थापनापर्यंत झालेला खर्चही वसूल होण्याची शक्यता नसल्याची स्थिती शेतकऱ्यांनी पवार यांच्यासमोर मांडली..Drought In Maharashtra: महिनाभर पावसाचा खंड, शेतकरी चिंतेत, कोरडा दुष्काळ जाहीर करण्याची मागणी.पीक पाहणीदरम्यान पवार यांनी शेतकऱ्यांशी संवाद साधून पावसाची स्थिती, पिकांचे नुकसान, उत्पादनातील घट, पीकविमा आणि शासनाकडून अपेक्षित मदतीबाबत माहिती घेतली. दुष्काळामुळे केवळ यंदाच्या खरीप उत्पादनावर परिणाम झाला नसून, पुढील हंगामासाठी लागणारे भांडवल, कर्जफेड आणि कुटुंबाच्या उदरनिर्वाहाचेही संकट शेतकऱ्यांसमोर असल्याचे या संवादातून समोर आले..Soybean Crop Crisis: पश्चिम विदर्भात सोयाबीन हातातून जाण्याची भीती.५० हजार रुपयांच्या मदतीची मागणीदुष्काळग्रस्त शेतकऱ्यांना हेक्टरी किमान ५० हजार रुपये मदत द्यावी, शेतमजूर कुटुंबांना आर्थिक मदत करावी, तसेच जनावरांसाठी चारा व पाण्याची व्यवस्था तातडीने करावी, अशी मागणी रोहित पवार यांनी राज्य सरकारकडे केली आहे. .मराठवाड्यातील दुष्काळी परिस्थितीच्या पार्श्वभूमीवर शासनाने तातडीने उपाययोजना करण्याची मागणी त्यांनी यापूर्वीही केली आहे. पिकांचे नुकसान लक्षात घेऊन पंचनामे आणि मदतीची प्रक्रिया वेगाने राबविण्याची मागणीही शेतकरी करीत आहेत. सोयाबीनसह कापूस, तूर आदी पिकांवरही पावसाच्या खंडाचा परिणाम झाला असून, दुष्काळी परिस्थितीचे सर्वंकष मूल्यांकन करण्याची गरज आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
