वैराग सासुरे फाटा ते कौठाळी सरहद्द रस्त्याच्या हस्तांतरणातील त्रुटींमुळे निधी मंजूर होऊनही रस्त्याचे टेंडर निघत रखडले आहे. सोमवारी (ता. २१) बार्शी-सोलापूर रोडवरील सासुरे फाटा येथे ग्रामस्थांनी रास्ता रोको आंदोलन केले..सासुरे फाटा ते सासुरे हा सुमारे तीन किलोमीटरचा रस्ता प्रमुख जिल्हा मार्ग क्रमांक ३१ असून, तो सार्वजनिक बांधकाम खात्याच्या ताब्यात आहे. पुढे कौठाळी (ता. उत्तर सोलापूर) सरहद्दीपर्यंतचा सुमारे तीन किलोमीटरचा रस्ता ग्रामीण रस्ता क्रमांक १४२ असून, तो जिल्हा परिषदेअंतर्गत आहे. जिल्हा परिषद बांधकाम विभागाने रस्ता सार्वजनिक बांधकाम खात्याकडे हस्तांतरित करण्याची कागदोपत्री प्रक्रिया केली आहे. मात्र, तांत्रिक अडचणीमुळे प्रक्रिया प्रलंबित आहे..Plant Nutrition: अन्नद्रव्ये पिकांना कशी मिळतात?.रस्त्यासाठी शेतकऱ्यांच्या जमिनी मोजून सीमांकनही निश्चित करण्यात आले आहे. सासुरे गावची पाच हजारांहून अधिक लोकसंख्या असून, हा रस्ता वाहतुकीसाठी महत्त्वाचा आहे..Sugarcane Fertilizer Management: ऊस पिकासाठी खतांचे योग्य वापर.या रस्त्यासाठी सन २०२२-२३ मध्ये सुमारे दोन कोटी रुपयांचा निधी मंजूर झाला होता. मात्र, रस्ता क्रमांक १४२ ऐवजी १४३ (यावली ते तडवळे) रस्त्यासाठी निधी मंजूर झाला. ही तांत्रिक चूक अद्याप दुरुस्त झालेली नाही. तसेच, कौठाळी हद्दीकडील सुमारे तीन किलोमीटरपैकी केवळ ५०० मीटर रस्ता सार्वजनिक बांधकाम खात्याने ताब्यात घेतला आहे. - बालाजी आवारे, आंदोलक.कौठाळी ते नागझरी नदी बंधारा हा सुमारे अडीच किलोमीटरचा रस्ता सार्वजनिक बांधकाम विभागाकडे हस्तांतरित होण्याची प्रक्रिया पूर्णत्वाकडे आली आहे. जिल्हा परिषद अंतर्गत रस्ता क्रमांक १४२ साठी निधी मंजूर झाल्यास तत्काळ काम सुरू करू. - महेश आडसूळ, शाखा अभियंता.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
