Dhangar Community Aggressive : धनगर आरक्षणाच्या मागणीसाठी अहमदनगर जिल्ह्यातील चौंडी येथे यशवंत सेनेच्या वतीने उपोषण सुरू आहे. या आंदोलनाचा आज १६ वा दिवस असून उपोषणकर्त्यांची तब्येत खालावत आहे. त्यामुळे राज्यात धनगर समाज आरक्षणाचा प्रश्न तापला आहे.

यावर तोडगा काढण्यासाठी आज मुबंईत सह्याद्री अतिथिगृहावर मुख्यमंत्र्यांच्या अध्यक्षतेखाली बैठक झाली. परंतु या बैठकीत तोडगा निघू न शकल्याने उपोषण सुरू ठेवण्यावर आंदोलक ठाम आहेत. त्यामुळे ही बैठक निष्फळ ठरल्याची चर्चा आहे.

धनगर समाजाला एसटी संवर्गात समाविष्ट करावं, या मागणीसाठी राज्यभरात आंदोलन सुरू आहे. या प्रश्नी सह्याद्री अतिथिगृहावर धनगर आरक्षणप्रश्नी महत्त्वाची बैठक पार पडली. या बैठकीला मुख्यमंत्री एकनाथ शिंदे, उपमुख्यमंत्री देवेंद्र फडणवीस, अजित पवार, महसूलमंत्री राधाकृष्ण विखे पाटील, ग्रामविकास मंत्री गिरीश महाजन, गृहनिर्माणमंत्री अतुल सावे, आ. गोपीचंद पडळकर, राम शिंदे, दत्तात्रय भरणे व इतर धनगर समाजातील नेते उपस्थित होते.

या बैठकीत धनगर समाजाच्या आरक्षणाचा प्रश्न निकाली निघत नाही. तोपर्यंत एसटीच्या सर्व सवलती धनगर समाजाला लागू केल्या आहेत. याप्रश्नी सरकार संवेदनशील आहे. हा प्रश्न लवकर सुटण्यासाठी प्रयत्न सुरू आहे. त्यासाठी दोन महिन्यांची वेळ द्यावी, अशी विनंती आंदोलकांना करण्यात आली.

परंतु, आंदोलन आपल्या मागण्यांवर ठाम आहेत. आमचा ठोस निर्णय होणार नाही तोपर्यंत आमरण उपोषण सुरु राहणार”, अशी प्रतिक्रिया बयशवंत सेनेचे राष्ट्रीय अध्यक्ष ाळासाहेब दोडतोले यांनी दिली.

या बैठकीनंतर गोपीचंद पडळकर म्हणाले “आम्ही चार राज्यांचे जीआर दाखवले. राज्य सरकार दोन दिवसात धनगर आणि धनगड याचा अभ्यास करण्यासाठी दोन दिवसात समिती नेमणार आहे. सरकारने दोन महिन्यांचा वेळ मागितला आहे. ज्या राज्यात या सुधारणा करण्यात आल्या त्या राज्यात समिती जाऊन अहवाल तयार करणार आहे”,