Jalna News : पाऊस थांबल्यावर आता शेतकऱ्यांची सोयाबीन काढण्याची घाई सुरू झाली आहे. सलग दुसऱ्या आठवड्यात बाजार समितीच्या बुधवारच्या (ता. ११) भुसार आठवडी बाजारात सोयाबीन मोठ्या प्रमाणात आवक वाढू लागली आहे.

बुधवारी बाजारात दोन हजार क्विंटलची आवक होती. यात आर्द्रता पाहून भाव ठरत होते. किमान ३ हजार ८०० ते कमाल ४ हजार ४०० रुपये प्रतिक्विंटल असा भाव मिळाला होता. तर कापसाची आठ क्विंटलची आवक होती. कापसाला ६ हजार रुपये प्रतिक्विंटल असा भाव होता. दरम्यान पावसामुळे सोयाबीन, कापूस या पिकांना मोठा फटका बसला असून उत्पादनात मोठी घट आली आहे.