Solapur News : पावसाच्या पाण्याचे जलपुनर्भरण, जलपुनर्भरणाच्या विविध उपायांचा अवलंब करा, रिचार्ज शाफ्ट सारख्या उपाययोजना आणखी वाढवा, भूजल अधिनियमाचे काटेकोर पालन करा,

सोलापूर महापालिकेमार्फत ‘नारी शक्ती से जलशक्ती’ अभियान व शिक्षण विभागातील शाळांनी जलशक्ती अभियानाची जागरूकता हाती घेण्याची सूचना जलशक्ती अभियान : कॅच दी रेन या अभियानाचे केंद्रीय नोडल अधिकारी राकेश कुमार मीना, केंद्रीय अधिकारी एकता धवण यांनी केली आहे.

दोन सदस्यांच्या पथकाने विविध विभागाव्दारे जलशक्ती अभियानाअंतर्गत केलेल्या कामाचा आढावा घेतला. या बैठकीस जिल्हाधिकारी कुमार आशीर्वाद, मुख्य कार्यकारी अधिकारी कुलदीप जंगम, जिल्हा जलसंधारण अधिकारी दयासागर दामा,

भूजल सर्वेक्षण विकास यंत्रणा अधिकारी एम. जे. शेख, जिल्हा जलसंधारण अधिकारी एस. एस. पारसे, उपविभागीय जलसंधारण अधिकारी मृद व जलसंधारणचे श्री क्षीरसागर, जिल्हा सहाय्यक आरोग्य अधिकारी डॉ. मोहन शेगर, महाराष्ट्र जीवन प्राधिकरणचे अभियंता श्री.चौधरी, उपअभियंता व जनसंपर्क अधिकारी लाभ क्षेत्रचे श्रीमती व्ही.बी कोरे.

भीमा विकास विभागाचे कार्यकारी अभियंता एस. माने आदी उपस्थित होते. केंद्रीय पथकाने जिल्ह्यातील जलशक्ती अभियानातील कामांबाबत समाधान व्यक्त केले. जिल्ह्यातील कामगिरी चांगली असल्याचे सांगून त्यांनी जिल्ह्यात काही उपाययोजना राबविण्यावर भर द्यावा, अशी सूचना केली. जिल्हा जलसंधारण अधिकारी दयासागर दामा यांनी जिल्ह्यातील जलसंधारणाची कामे, अमृत सरोवर योजना, रेन हार्वेस्टिंग, नाला खोलीकरण रुंदीकरण बंधारे या कामांची माहिती दिली.