Jalgaon News : खानदेशात यंदा पपई लागवड अधिक होईल, असे संकेत असतानाच पपईची रोपे महागली आहेत. रोपांचे दरही वेगवेगळे आहे. अनेक कंपन्यांची रोपे ११ ते १७ रुपये प्रतिरोप, या दरात आता मिळत आहेत.

पपईचे दर टिकून आहेत. सध्या १२ ते १३ रुपये प्रतिकोलाच दर जागेवर पपई उत्पादकांना मिळत आहे. अनेक शेतकरी धाराशीव, जालना व धुळे आि स्थानिक भागातील रोपवाटिकांमधून रोपे घेत आहेत. पपईची रोपे नोव्हेंबरमध्ये मुबलक होती.

परंतु आता हंगामी किंवा नियमीत लागवड सुरू होत असतानाच पपई रोपे दरवाढ झाली आहे. मागील हंगामात १५ नंबर पपईची रोपे पोच नऊ ते १४ रुपये प्रतिरोप या दरात मिळत होती. यंदा किमान ११ व कमाल १७ रुपये प्रतिरोप, असे दर आहेत.

पपई दर नोव्हेंबरमध्ये टिकून होते. त्या वेळेस पपई रोपे आगाऊ नोंदणी वाढली. नंतर दर कमी होते. सध्या पपई लागवडीचे नियोजन अनेक जण करीत आहेत. पण पपईची रोपे कमी आहेत. पपई रोपांना धाराशिव, जालना, छत्रपतीसंभाजीनगर आदी भागातून मागणी आहे. दर टिकून राहील्याने पपई लागवडीसंबंधी शेतकऱ्यांत उत्साह होता.

रोपांच्या बुकींगला प्रतिसाद मिळाला. पण आता रोपांची दरवाढ झाली आहे. लागवड अधिक होईल, असेही संकेत आहेत. सध्या नंदुरबार, धुळे, जळगाव भागात १५ नंबर पपईची लागवड सुरू आहे. पण रोपे कमी पडत आहेत. अनेक कंपन्या रोपे पुरवठा हव्या त्या वेळी करीत नसल्याची स्थिती आहे.

पपईसाठी नंदुरबार प्रसिद्ध आहे. पण तेथे लागवड मात्र कमी होत आहे. यंदा तेथे तीन हजार हेक्टरवर पपई लागवड होईल अशी स्थिती आहे. मागील वेळेसही लागवड कमी झाली होती. पपई लागवडीसंबंधी रोपांची बुकींग सप्टेंबर, ऑक्टोबर, नोव्हेंबर व डिसेंबरमध्ये झाली असून, विविध कंपन्या, रोपवाटिकाचालकांनी रोप पुरवठा सुरू आहे.

अनेक शेतकरी मार्च ते मे या कालावधीतही पपईची लागवड करतात. यामुळे या महिन्यांत लागवडीच्या दृष्टीनेही नियोजन करण्यात आले आहे. पपई रोपांचे दर ११ ते १७ रुपये १५ नंबर वाणाच्या एका रोपासाठी आहेत. तसेच ७८६ वाणातही संशोधन करून विविध वाण विकसित करण्यात आले आहेत. त्यासंबंधीदेखील मागणी सुरू आहे.