News: बाजारात मूग आणि उडदाचे भाव हमीभावापेक्षा कमी आहेत. त्यामुळे शेतकऱ्यांमध्ये नाराजी होती. सरकारने हमीभावाने खरेदी करावी यासाठी शेतकऱ्यांनी आंदोलने केले होते. शेवटी सरकारने हमीभावाने मूग आणि उडीद खरेदीचा निर्णय घेतला. 19 जूनपासून खरेदीची सुरुवात होणार आहे, अशी माहिती मध्य प्रदेशचे मुख्यमंत्री डॉ. मोहन यादव दिली.

मध्य प्रदेशातील शेतकऱ्यांसाठी सरकारने मोठी घोषणा केली आहे. मूंग आणि उडीद या पिकांची खरेदी हमीभावावर केली जाणार आहे, अशी माहिती मुख्यमंत्री डॉ. मोहन यादव यांनी त्यांच्या एक्स हँडलवर दिली आहे. यापूर्वी मूग आणि उडीदाची सरकारी खरेदी होत नसल्याने शेतकरी नाराज होते आणि त्यांनी सातत्याने हमीभावावर खरेदीची मागणी केली होती.

सरकारी खरेदीसाठी शेतकऱ्यांना आपली नोंदणी करावी लागेल. मुख्यमंत्री मोहन यादव यांनी सांगितले की, मूग खरेदीसाठी राज्य सरकारने केंद्र सरकारकडे प्रस्ताव पाठवला आहे. याबाबत त्यांनी केंद्रीय कृषिमंत्री शिवराज सिंह चौहान यांच्याशी चर्चा केली आहे. मूग खरेदीसाठी नोंदणी १९ जूनपासून सुरू होईल.

शेतकऱ्यांना होत होते नुकसान
यंदा मध्य प्रदेशात मूग खरेदीच्या मुद्द्यावर बराच गदारोळ झाला. हमीभावावर खरेदी न झाल्याने शेतकरी निराश झाले होते. बाजारात मूगाला योग्य भाव मिळत नसल्याने शेतकऱ्यांचे मोठे नुकसान होत होते.

हमीभाव 8 हजार 682 इतका असूनसुद्धा बाजारात मूग फक्त 5 हजार रुपये प्रति क्विंटल दराने विकले जात होते ज्यामुळे शेतकऱ्यांना आर्थिक फटका बसत होता. शेतकरी संघटनांनी आणि शेतकऱ्यांनी सरकारी खरेदी सुरू करण्यासाठी आंदोलनेही केली होती. (उडदाचा हमीभाव-7 हजार 400)

माजी मुख्यमंत्री कमलनाथ यांनीही सरकारवर टोलवाटोलवी करत असल्याचा आरोप केला होता. आता सरकारने मूग आणि उडीदाची MSP वर खरेदी करण्याची घोषणा केली आहे, ज्यामुळे शेतकऱ्यांना दिलासा मिळाला आहे.