Junnar News: जुन्नर कृषी उत्पन्न बाजार समितीअंतर्गत आळेफाटा उपबाजार आवारात रविवारी (ता.२९) डाळिंबाच्या २० किलोच्या एका क्रेटला प्रतवारीनुसार ७ हजार रुपयांचा उच्चांकी भाव मिळाला, अशी माहिती सभापती संजय काळे यांनी दिली.

आळेफाटा उपबाजारात कांद्याप्रमाणे आता डाळिंबाचे दररोज लिलाव मोठ्या प्रमाणावर होऊ लागले असून यामध्ये रविवारी (ता.२९) एक नंबर डाळिंबास वीस किलोच्या एका क्रेटला तब्बल प्रतवारीनुसार ७ हजार रुपयांचा भाव मिळाला आहे.

त्या खालोखाल त्याच्या दोन नंबर डाळिंबाच्या एका क्रेटला ४ हजार रुपयांचा भाव मिळाला आहे. तर तीन नंबरच्या एका वीस किलोच्या क्रेटला १ हजार ५०० रुपये बाजार भाव मिळाला आहे, तर चार नंबरच्या एका वीस किलोच्या क्रेटला ५०० रुपयांचा बाजारभाव मिळाला. तसेच बाजार समितीमध्ये २ हजार ३५१ विक्रमी क्रेटची आवक झाली होत

आळेफाटा येथील बाजार समितीत पारनेर, संगमनेर, श्रीगोंदा, कर्जत, जामखेड, शिरूर, अहिल्यानगर या ठिकाणांहून शेतकरी डाळिंब विक्रीसाठी येत असल्याने त्यामुळे पुणे आणि अहिल्यानगर जिल्ह्यांसाठी ही महत्त्वाची बाजारपेठ असून, डाळिंब उत्पादक शेतकऱ्यांना चांगले दर मिळत असल्याचे सचिव रूपेश कवडे यांनी सांगितले.