Maharashtra Politics: धनंजय मुंडे यांनी राजीनामा दिल्यानंतर त्यावरून एकच खळबळ माजली आहे. मुंडे यांची आमदारकी रद्द करावी, अशी मागणी विरोधकांकडून केली जात आहे. धनंजय मुंडे यांच्या राजीनाम्यावर प्रतिक्रिया देताना मंत्री पंकजा मुंडे यांनी राजीनामा आधीच व्हायला पाहिजे होता, अशी प्रतिक्रिया दिली आहे. तसेच सरपंच संतोष देशमुख यांच्या हत्या करणाऱ्यांना कडक शासन करण्याची मागणी पंकजा मुंडे यांनी केली आहे.

पंकज मुंडे म्हणाल्या, "संतोष देशमुखांच्या निघृण हत्येवर निषेध व्यक्त करताना मी मनापासून त्यांच्या आईची क्षमा मागते. ज्या मुलांनी हत्या केली ते माझ्या पोटचे असते पदरात असते तर त्यांना कडक शासन करा असं म्हटलं असतं." असं पंकजा मुंडे म्हणाल्या.

तसेच धनंजय मुंडे यांचा राजीनामा फार आधी व्हायला पाहिजे होता, अशी प्रतिक्रिया दिली. पुढे त्या म्हणाल्या, " धनंजय मुंडेंचा राजीनामा झालाय, त्याचं स्वागत झालं पाहिजे. हा राजीनामा फार आधी व्हायला पाहिजे होता. राजीनामापेक्षा शपथचं नाही व्हायला पाहीजे होती. तर कदाचित पुढच्या गोष्टींना सामोरे जावं लागलं नसतं. घेण्याऱ्यांनी आधी घ्यायला हवा होता. धनंजयनं पण आधी द्यायला हवा होता. सन्मानाचा मार्ग मिळाला असता. धनंजय मुंडेंनी घेतलेला निर्णय देर आये दुरुस्त आये." असंही मुंडे म्हणाल्या.

यावेळी त्यांनी संतोष देशमुख यांच्या हत्येसंदर्भातील काही व्हिडिओ समाज माध्यमावर व्हायरल झाले. त्यातील एक पोस्ट मी पाहिली. हे व्हिडिओ उघडण्याची हिंमत झाली नाही. ज्यांनी त्यांना मारलं आहे. त्याचा व्हिडिओ केला आहे. त्याच्यात जेवढी अमानुषता आहे, तेवढी अमानुषाता पाहण्याची माझ्यात हिंमत नाही, असं पंकजा मुंडे म्हणाल्या.

संतोष देशमुखांच्या हत्येची फोटोज आणि व्हिडिओज सोशल मीडियावर व्हायरल झाले. त्यामुळे सर्व स्तरातून तीव्र संताप व्यक्त करण्यात आला. विरोधकांनी मुंडे यांच्या राजीनाम्याची मागणी लावून धरत विधिमंडळाच्या पायऱ्यावर घोषणाबाजी केली.

परंतु मुंडे अधिवेशनाचं कामकाज सुरू होण्यापूर्वीच राजीनामा मुख्यमंत्री फडणवीसांकडे सुपूर्द केला. यावर उपमुख्यमंत्री अजित पवारांनी मुंडे यांनी नैतिकेला धरून राजीनामा दिल्याचं सांगितलं. परंतु मुंडे यांनी मात्र वैद्यकीय कारणांमुळे राजीनामा देत असल्याचं सांगितलं.