MPSC Department Recruitment : महाराष्ट्र लोकसेवा आयोगाने राज्यसेवा परीक्षेची जाहिरात प्रसिद्ध केली आहे. विविध विभागांर्तग ३८५ जागांसाठी ही जाहिरात प्रसिद्ध करण्यात आली आहे. ही परीक्षा 28 सप्टेंबरला होणार असून राज्यातील ३७ जिल्हा केंद्रांवर होणार आहे. असल्याची माहिती महाराष्ट्र लोकसेवा आयोगाकडून सांगण्यात आली आहे.

विभागनिहाय सामान्य प्रशासन विभागाकडून (राज्यसेवा) १२७ जागांसाठी अर्ज करता येणार आहे. महसूल व वन विभाग (महाराष्ट्र वनसेवा) १४४ जागा आहेत. तर सार्वजनिक बांधकाम विभाग (स्थापत्य अभियांत्रिकी सेवा) विभागाकडून ११४ जागांसाठी भरती होणार आहे. आयोगाने प्रसिद्ध केलेल्या राज्यसेवा परीक्षेच्या जाहिरातीनुसार २८ मार्च ते १७ एप्रिलपर्यंत अर्ज करता येणार आहे. अर्जासाठी ऑनलाईन शुल्क १७ एप्रिल ते २१ एप्रिलपर्यंत चालनद्वारे भरता येणार आहे.

मागच्या दोन महिन्यांपासून आयोगाकडून परीक्षेची जाहिरात सतत पुढे ढकलत होती. महाराष्ट्र लोकसेवा आयोगाने (एमपीएससी) २०२५ च्या वेळापत्रकानुसार राज्यसेवा परीक्षेची जाहिरात उशिरा निघाल्याने विद्यार्थ्यांनी नाराजी व्यक्त केली होती. मात्र, परिक्षा जाहीर झाल्याने लाखो विद्यार्थ्यांची प्रतिक्षा संपली असून मंगळवारी (ता.१८) आयोगाने जाहीरात प्रसिद्ध केली. ३८५ जागांसाठी जाहिरात प्रसिद्ध झालेल्या परिक्षेसाठी राज्यातील लाखो विद्यार्थी अर्ज भरण्याची शक्यता आहे.

अधिक माहितीसाठी एमपीएससीच्या संकेतस्थळाला भेट द्या

महाराष्ट्रातील राज्य सेवा आयोगाच्या भरतीसंदर्भात माहिती मिळवण्यासाठी, आपण महाराष्ट्र लोकसेवा आयोगाच्या अधिकृत वेबसाइटला भेट देऊ शकता. जिथे भरती प्रक्रिया, वेळापत्रक आणि इतर आवश्यक माहिती उपलब्ध आहे. परीक्षेचे वेळापत्रक आणि इतर महत्वाच्या तारखा एमपीएससीच्या वेबसाइटवर प्रसिद्ध केल्या जातात. अर्ज भरताना आणि परीक्षेसाठी तयारी करताना, एमपीएससीच्या वेबसाइटवर दिलेल्या सूचनांचे पालन करावे लागते. पुणे येथे राज्य लोकसेवा आयोगाचे कार्यालय आहे, जिथे तुम्ही अधिक माहितीसाठी संपर्क साधू शकता.