Amravati News: मागील आठवड्यात झालेल्या वादळवाऱ्यासह मुसळधार पावसामुळे तिवसा तालुक्यातील शेतकऱ्यांच्या पिकांचे मोठ्या प्रमाणात नुकसान झाले. या नुकसानाची आमदार राजेश वानखडे यांनी पाहणी करून सर्वेक्षण व पंचनामा करण्याचे आदेश दिले.

तिवसा तालुक्यातील वरखेड, तारखेड, उंबरखेड, धामंत्री, वऱ्हा, शिरजगाव मोझरी, शिवणगाव फत्तेपूर आदी गावांना भेट देऊन कांदा, तीळ, ज्वारी, भुईमूग, फळबागा व भाजीपाला पिकाच्या परिस्थितीची प्रत्यक्ष पाहणी केली. स्थानिक शेतकरी व नागरिकांशी संवाद साधून त्यांना धीर दिला.

ज्या शेतकऱ्यांच्या पिकांचे नुकसान झालेले आहे तो एकही शेतकरी मदतीपासून वंचित राहता कामा नये, अशा सूचना आमदार वानखडे यांच्याकडून संबंधित अधिकाऱ्यांना देण्यात आल्या. यावेळी जिल्हा भाजप उपाध्यक्ष तथा विधानसभा संयोजक प्रदीप गौरखेडे, जयकुमार बोके,

सोपान फाले, गोपाल अळसपुरे, पुरुषोत्तम मुंदडा, पुरुषोत्तम फाटे, शुभम उमप, राजेश तेलंग, एकनाथ गुजर, चंदन भुयार, नंदू साठवणे, अनिल देवघरे यांच्यासह कृषी विभाग, मंडळ अधिकारी, कृषी सहायक, नुकसानग्रस्त शेतकरी, नागरिक उपस्थित होते.