कर्नाटकमधील लोकसभा निवडणुकीत कॉँग्रेसनं पहिला विजय मिळवला. हसन मतदार संघातून श्रेयस पटेल यांनी जेडी(एस) चे विद्यमान खासदार प्रज्वल रेवन्ना यांमचा ४४ हजार मतांच्या फरकाने पराभव केला आहे. प्रज्वल रेवन्ना जेडीएसचे प्रमुख एचडी देवेगौडा यांचे नातू आहेत. त्यांच्यावर लैंगिक शोषणाचे आरोप करण्यात आले आहेत. या प्रकरणी त्यांना निकालाच्या काही दिवस आधीच अटक करण्यात आली होती. कर्नाटकमध्ये २८ जागांपैकी १८ जागांवर भाजप-जेडीएसची युतीची आघाडी आहे. तर कॉँग्रेसने १० जागांवर आघाडी मिळवली आहे.

प्रज्वल रेवन्ना यांच्यावर लैंगिक शोषणाचे गंभीर आरोप आहेत. यावरून कॉँग्रेसनं जोरदार प्रचार करत युतीसमोर आव्हान निर्माण केलं होतं. त्यामुळं या जागेकडे विशेष लक्ष होतं. प्रज्वल रेवन्ना

कर्नाटकमध्ये विधानसभेत भाजपची कॉँग्रेसनं धूळधाण उडवली होती. त्यामुळे दक्षिण राज्यातील भाजपच्या विस्ताराच्या मनसुब्याला वेसण घातलं गेलं. त्यामुळे आता लोकसभा निवडणुकीत भाजपनं जेडीएसला सोबत घेत कर्नाटकवर विशेष लक्ष केंद्रित केलं.

एक्झिट पोलमध्ये कर्नाटकमध्ये भाजपला २३ जागा मिळतील असं सांगण्यात आलं होतं. कारण जेडीएसचा भाजपला फायदा होईल, असं बोललं जात होतं. जेडीएसने २५ वर्षात पहिल्यांदाच हसनची जागा गमावली आहे. रेवन्ना २०१९ मध्ये खासदार म्हणून निवडून येण्यापूर्वी या मतदारसंघाचे प्रतिनिधित्व माजी पंतप्रधान एचडी देवेगौडा करत होते.