Crop Damage Survey Maharashtra: राज्यातील अनेक भागात विशेषतः मराठवाड्यात पावसाने सुमारे दीड महिना दडी मारल्याने खरीप पिके करपून गेली आहेत. हातातोंडाशी आलेले पीक वाया गेल्याने शेतकरी हवालदिल झाला आहे. यामुळे नुकसान झालेल्या सोयाबीनसह इतर पिकांवर काही शेतकऱ्यांनी रोटाव्हेटर फिरवल्याचे दिसून आले आहे. याची गंभीर दखल राज्य सरकारने घेतली आहे. या पार्श्वभूमीवर सहकारमंत्री बाबासाहेब पाटील यांनी शेतकऱ्यांना नुकसानग्रस्त पिकांवर रोटाव्हेटर फिरवू नका, असे आवाहन केले आहे. .खरीप पिकांचे मोठ्या प्रमाणात नुकसान झाले आहे. नुकसानग्रस्त पिके जाळू नका किंवा त्यावर रोटाव्हेटर फिरवू नका. पीक ज्या परिस्थितीत आहे, त्याच अवस्थेत ठेवावे. जेणेकरून पंचनामा, पीक विमा व सरकारच्या मदतीसाठी नुकसानीचे पुरावे उपलब्ध राहतील, असे सहकारमंत्र्यांनी म्हटले आहे..Crop Damage: 'आता पाऊस पडला तरी पीक हाताला लागणार नाही', वस्तुनिष्ठ पंचनामे, अहवाल सादर करण्याचे निर्देश, सहकारमंत्री शेतीच्या बांधावर .शेतकऱ्यांनी खचून जाऊ नये. या संकटात सरकार आपल्या पाठीशी आहे. नुकसानग्रस्त शेतकऱ्यांना योग्य ती मदत मिळवून देण्यासाठी कटिबद्ध आहे, असे त्यांनी नमूद केले आहे. त्यांनी नुकतीच लातूर जिल्ह्याच्या चाकूर तालुक्यात खरीप पिकांच्या परिस्थितीची शेतीच्या बांधावर जाऊन प्रत्यक्ष पाहणी केली. यावेळी त्यांनी शेतकऱ्यांशी संवाद साधून पिकांची सद्यस्थिती व नुकसानीची माहिती घेतली. .Farmer Compensation: शेतकऱ्यांना नुकसान भरपाई मिळणार, महसूलमंत्री बावनकुळे यांची माहिती.पाण्याअभावी झालेल्या पीक नुकसानीची वस्तुनिष्ठ नोंद करावी आणि आवश्यक ती कार्यवाही करण्याच्या सूचना संबंधित अधिकाऱ्यांना दिल्या आहेत. या संकटात शेतकरी बांधवांनी खचून जाऊ नये, असे आवाहन त्यांनी केले आहे. .पावसाने ओढ दिल्याने शेतकरी अडचणीत असून, सोयाबीन पीक ७० टक्के उद्ध्वस्त होण्याच्या मार्गावर आहे. त्यासाठी सरकारने तातडीने पंचनामे करून युद्धपातळीवर शेतकऱ्यांना आर्थिक मदत द्यावी, अशी मागणी काँग्रेस विधिमंडळ नेते विजय वडेट्टीवार यांनी केली आहे. या परिस्थितीच्या पार्श्वभूमीवर प्रशासनाला पीक नुकसानीचे सर्वेक्षण करण्याचे निर्देश दिले असल्याचे महसूलमंत्री चंद्रशेखर बावनकुळे यांनी म्हटले आहे. शेतकऱ्यांना नुकसान भरपाई देणार असल्याचे त्यांनी स्पष्ट केले आहे. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
