Akola News : डोणगाव येथील प्रयोगशील शेतकरी तथा उद्यानपंडित जगदेवराव आखाडे यांनी सीडलेस किन्नो संत्रा वाणाची लागवड केली असून या बागेची परभणी येथील वसंतराव नाईक मराठवाडा कृषी विद्यापीठाचे संशोधन संचालक डॉ. डी. पी. वासकर यांनी भेट देऊन पाहणी केली.
यावेळी बदनापूर येथील मोसंबी संशोधन केंद्राचे डॉ. संजय पाटील, कडधान्य पैदासकार डॉ. दीपक पाटील, प्रगतशील शेतकरी राजेश पळसकर, सेवानिवृत्त तालुका कृषी अधिकारी मधुकरराव काळे, कृषी पर्यवेक्षक विठ्ठल धांडे आदी प्रामुख्याने उपस्थित होते.
श्री. आखाडे हे फलोत्पादन क्षेत्रात सातत्याने नवनवीन प्रयोग करीत असतात. संत्रा, आंबा, कांदा उत्पादनासाठी त्यांची ओळख सर्वदूर पोचलेली आहे. त्यांनी संत्र्याच्या विविध वाणांची लागवड केली.
प्रामुख्याने पंजाब कृषी विद्यापीठाचे संशोधन असलेल्या सीडलेस किन्नो या संत्रा वाणाची लागवड लक्ष्यवेधी ठरत आहे.
संत्र्याच्या विविध वाणांची आखाडे यांनी लागवड केली आहे. त्यांच्या या संग्रहाची पाहणी केली. पंजाब कृषी विद्यापीठाच्या टीएयु-१ या सीडलेस किन्नो संत्रा वाणाचे गुणधर्म जाणून घेतले. बागेत लागलेल्या फळांची गुणवत्ता, आकारमान, बाजारपेठेत असलेली मागणी पाहून समाधान वाटले. पारंपारिक पिकांपेक्षा अशाप्रकारचे वेगळे फलोत्पादन निश्चितच शेतकऱ्यांसाठी आज गरजेचे झालेले आहे.डॉ. डी. पी. वासकर, संशोधन संचालक, परभणी
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.