Baramati News : ज्येष्ठ नेते शरद पवार यांनी नुकताच बारामतीच्या जिरायती भागाचा दौरा केला. या दौऱ्यात कारखेल येथील शेतकरी सुनील आत्माराम वाबळे यांच्या डाळिंबाच्या फळबागेला भेट देवून पाहणी केली तसेच शेतकऱ्यांशी सविस्तर चर्चा केली.

या वेळी युवा नेते युगेंद्र पवार, सदाशिव सातव, सतीश खोमणे, एस. एन. जगताप, आत्माराम वाबळे, सरपंच वैशाली रणसिंग, श्यामल वाबळे, सचिन भापकर, भास्कर भापकर व शेतकरी उपस्थित होते.

या दौऱ्यात पवार यांनी वाबळे यांच्या डाळिंब बागेची, गाईंच्या गोठ्याची व इतर पिकांची बारकाईने चौकशी केली.

तसेच, जानाई योजनेचे कोरेश्वरनगर परिसरात विस्तारीकरण व्हावे, याबाबतही शरद पवार यांच्याशी शेतकऱ्यांनी चर्चा झाली.

सुनील वाबळे यांचे वडील आत्माराम वाबळे हे शरद पवारांचे जुने निष्ठावंत शिलेदार म्हणून सुपे भागात ओळखले जातात. त्यांनी पंचायत समिती सदस्य म्हणूनही काम केले आहे.