Chhatrapati Sambhajinagar : मराठवाड्यातील जालना, बीड व छत्रपती संभाजीनगर जिल्ह्यात सोमवारी (ता. ८) सकाळपर्यंत झालेल्या २४ तासांत पावसाचा जोर बीड जिल्ह्यात अधिक दिसून आला. या जिल्ह्यातील दोन मंडलांत अतिवृष्टी झाली जालना व छत्रपती संभाजीनगर जिल्ह्यात तुलनेने पावसाचा जोर अल्प होता.

बीड जिल्ह्यातील एकूण ६३ पैकी ५५ मंडलांत पावसाची हजेरी लागली. जिल्ह्यातील लिंबागणेश मंडलात ७४ मिलिमीटर तर घाटनांदूर मंडलात ६९ मिलिमीटर इतका अतिवृष्टी रूपात पाऊस झाला. जिल्ह्यातील बीड तालुक्यात सरासरी २४.३ मिलिमीटर, पाटोदा ३१.३ मिलिमीटर, माजलगाव १८.५ मिलिमीटर, अंबाजोगाई ३३.१ मिलिमीटर, केज २९.६ मिलिमीटर, धारूर १०.१ मिलिमीटर तर वडवणी तालुक्यात सरासरी ६.५ मिलिमीटर इतका पाऊस झाला.

शिरूर कासार, आष्टी, गेवराई तालुक्यात पावसाचा जोर इतर तालुक्याच्या तुलनेत फार कमी होता. जालना जिल्ह्यातील ४९ पैकी ३२ मंडलात पाऊस झाला. जिल्ह्यातील पावसाची हजेरी लागलेल्या ३२ मंडलांपैकी बहुतांश मंडलातील पाऊस तुरळक हलक्या स्वरूपाचा होता. छत्रपती संभाजीनगर जिल्ह्यातील काही ठिकाणीच तुरळक पावसाची सर झाली.

जालना जिल्ह्यातील पाऊस (मिलिमीटरमध्ये)

सिपोरा मंडळात ३ मिलिमीटर, धावडा १२.३, अनवा ४.३, जाफराबाद ४.५, माहोरा ३, वरुड १२.३, कुंभार पिंपळगाव ५.८, अंतरवली ४.३, जामसमर्थ ८.८, तळणी १७.३ मिलिमीटर पावसाची नोंद झाली. इतर मंडळातील पाऊस तुरळक, हलक्या स्वरूपाचा होता.

बीड जिल्ह्यातील मंडळनिहाय पाऊस(मिलिमीटरमध्ये)

बीड २२.८, पाली १८.५, म्हालसाजवळा २७.३, नाळवंडी १६.५, राजुरी ८, पिंपळनेर १५.८, पेंडगाव ११, मांजरसुंबा २०, नेकनूर २८.८, पाटोदा ४७.५, दासखेड ५३.५, थेरला २०.५, पाचेगाव १८, सीरसदेवी ८.५, रेवकी ६.८, तलवाडा ९, माजलगाव २४.८, गंगामसला १३.५, तालखेड १८.५, नित्रुड १७.५, दिंद्रुड २०.५, अंबाजोगाई ९.८, पाटोदा १९.३, लोखंडी सावरगाव १९.३, बर्दापूर ४७.८, केज १४, युसुफ वडगाव ९.३, हनुमंत पिंपरी ५५.८ होळ १३.३, विडा ५९, बनसारोळा ८.८, नांदूर घाट ४६.८, परळी ३८.३, धर्मापुरी २८.३, नागापूर ५७, सीरसाळा ६१.५, पिंपळगाव ४२.५, धारूर ६, मोहखेड १२.८, तेलगाव ११.५, वडवणी ५, कौडगाव ८.