Kolhapur News : टाकळीवाडी (ता. शिरोळ) येथील श्री गुरुदत्त शुगर्सचे अध्यक्ष माधवराव घाटगे यांनी कारखान्याच्या माध्यमातून केलेल्या विविध सामाजिक कार्याबदल दिल्ली येथील सिया या संस्थेकडून श्री. घाटगे यांना शुगर-इथेनॉल-बायोएनर्जी या आंतरराष्ट्रीय पुरस्कारांनी सन्मानित करण्यात आले.

बॉलिवूड अभिनेत्री हीना खान यांच्या हस्ते श्री. घाटगे यांना पुरस्कार देऊन गौरविण्यात आले. श्री. घाटगे यांच्या मार्गदर्शनाखाली कारखान्याने तांत्रिक कार्यक्षमते सोबतच सामाजिक कार्यातून परिसराचा कायापालट केला आहे.

कारखान्या माध्यमातून प्रत्यक्ष-अप्रत्यक्षरीत्या दहा हजार कुटुंबीयांना रोजगार मिळाला आहे. शिरोळ तालुक्यात २००५, २०१९, २०२१ व २०२४ च्या महापुरात कारखान्यांने १० हजार पूरग्रस्त व ५ हजार जनावरांना स्वखर्चाने छावणी उभा करून महान कार्य करून हजारो पूरग्रस्तांना आधार देण्याचे काम केले आहे.

साखर उद्योगासह सामाजिक कामाची दखल घेऊन त्यांना गौरविण्यात आले. केद्रीय रस्ते वाहतूक व महामार्ग मंत्री नितीन गडकरी यांनी या वेळी साखर उद्योग संदर्भात मार्गदर्शन केले.