Maharashtra Politics Agrowon
ॲग्रो विशेष

Eknath Shinde: एकनाथ शिंदे नाराज? रायगडच्या पालकमंत्री पदावरून महायुतीत धुसफुस!

Maharashtra Politics: महायुती सरकार प्रचंड बहुमतात आलं असूनही, सत्ता वाटप आणि निर्णय प्रक्रियेवरून अंतर्गत मतभेदाचे संकेत दिसू लागले आहेत. रायगड जिल्ह्याच्या पालकमंत्री पदावरून शिवसेना शिंदे गट आणि राष्ट्रवादी काँग्रेसमध्ये संघर्ष निर्माण झाला आहे.

Sainath Jadhav

Political News: महायुती सरकार प्रचंड बहुमतात आलं असूनही, सत्ता वाटप आणि निर्णय प्रक्रियेवरून अंतर्गत मतभेदाचे संकेत दिसू लागले आहेत. रायगड जिल्ह्याच्या पालकमंत्री पदावरून शिवसेना शिंदे गट आणि राष्ट्रवादी काँग्रेसमध्ये संघर्ष निर्माण झाला आहे. भरत गोगावले आणि उपमुख्यमंत्री एकनाथ शिंदे या दोघांचीही आजच्या महत्त्वाच्या मंत्रिमंडळ बैठकीला अनुपस्थिती चर्चेचा विषय ठरली आहे.

स्वातंत्र्यदिनाच्या ध्वजारोहण कार्यक्रमावरून उफाळलेल्या या वादात, सरकारने परिपत्रक काढून अदिती तटकरे यांना ध्वजारोहणाचा अधिकार दिला आहे. तरीही, अंतर्गत नाराजी आणि राजकीय तणावाचे वातावरण कायम असल्याच्या चर्चा सुरूच आहेत. स्वातंत्र्यदिनाच्या ध्वजारोहण कार्यक्रमावरून राज्याच्या राजकारणात एक नवीन गदारोळ निर्माण झाला आहे. रायगड जिल्ह्यात पालकमंत्री म्हणून कोणाची नियुक्ती होणार, यावरून शिवसेना आणि राष्ट्रवादी काँग्रेसमध्ये जुंपली आहे.

भरत गोगावले हे या पदासाठी आग्रही आहेत, तर राष्ट्रवादीच्या आदिती तटकरे यांनीही यावर दावा सांगितला आहे. या वादामुळे मुख्यमंत्री देवेंद्र फडणवीस यांनी पालकमंत्री पदाच्या नियुक्तीला तात्पुरती स्थगिती दिली आहे. परिणामी, स्वातंत्र्यदिनी जिल्ह्यात ध्वजारोहण कोण करणार, असा प्रश्न उपस्थित झाला होता.

मात्र, राज्य सरकारने एक परिपत्रक काढून स्पष्ट केले आहे की, आदिती तटकरे याच ध्वजारोहण करतील. यामुळे वाद काहीसा शांत झाला असला तरी, अंतर्गत नाराजीच्या चर्चा कायम आहेत.दरम्यान, भरत गोगावले यांनी स्वतः स्पष्टीकरण देत सांगितले की, ते कोणत्याही प्रकारे नाराज नाहीत. त्यांचा दिल्ली दौरा हा आधीच ठरलेला होता, त्यामुळे आजच्या कॅबिनेट बैठकीला उपस्थित राहणे शक्य नव्हते. ते म्हणाले की, एखाद्या ध्वजारोहण कार्यक्रमावरून पालकमंत्री ठरत नसतो.

आता उपमुख्यमंत्री एकनाथ शिंदे यांच्या अनुपस्थितीमुळे चर्चांना आणखी उधाण आले आहे. शिंदे हे सध्या श्रीनगरमध्ये असून, सोमवारी शिवसेना शिंदे गटाने जम्मूमध्ये एक रक्तदान शिबिर आयोजित केले होते, ज्यात ते सहभागी झाले. आज ते श्रीनगरमध्ये थांबणार असल्याची माहिती आहे.

अनेकदा रात्री उशिरा दौरे संपवून दुसऱ्या दिवशी सकाळी सरकारी कामकाजात ते भाग घेतात. मात्र, आज थेट मंत्रिमंडळाच्या बैठकीला गैरहजर राहण्याचा निर्णय घेतल्याने, यात काही नाराजी आहे की नाही, याबाबत राजकीय गोटात कुजबुज सुरू झाली आहे. त्यांचा काश्मीरमधील मुक्काम हा नियोजित आहे की जाहीर नाराजीचा भाग आहे, असा प्रश्न उपस्थित होत आहे.

ॲग्रोवनचे सदस्य व्हा

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Cotton Crisis : १७ सप्टेंबरपासून संयुक्त किसान मोर्चा विदर्भ दौऱ्यावर; कापूस धोरण, टॅरिफ आणि आत्महत्यावर शेतकऱ्यांशी संवाद

Maharashtra Health Scheme: कॅन्सर, हृदयविकार, किडनी आजारांवर आता गरीबांसाठी सरकारकडून मिळणार १.५ लाखांपर्यंत मोफत आरोग्य सुविधा

Hingoli APMC Merger : हिंगोली, सिरसम कृषी उत्पन्न बाजार समित्यांचे एकत्रीकरण

krushi Sakhi : कृषी सखींना लवकर मिळणार थकित मानधन

Manoj Jarange Patil: १७ सप्टेंबरच्या आत कुणबी प्रमाणपत्र द्या; मनोज जरांगे पाटील यांचा सरकारला इशारा!

SCROLL FOR NEXT