Pune News : गेले दहा ते बारा दिवस पावसाने उघडीप दिल्यानंतर पुन्हा पावसासाठी पोषक वातावरण तयार होत आहे. तुरळक ठिकाणी हलक्या सरी कोसळत आहे. सोमवारी (ता.२) सकाळी आठ वाजेपर्यंत मावळातील लोणावळा येथे ३५ मिलिमीटर पाऊस पडल्याची नोंद झाली. या पावसामुळे धरणांतील आवक अजूनही सुरूच असून विसर्ग कमी-अधिक करण्यात येत आहे.

पुणे जिल्ह्यात मागील तीन महिने दमदार पाऊस झाला आहे. त्यामुळे धरणांतील पाणीसाठा वेगाने वाढत आहे. आता सप्टेंबर महिना सुरू झाला आहे. त्यामुळे पुन्हा पावसासाठी पोषक स्थिती तयार होत आहे. मागील दोन ते तीन दिवसांपासून मराठवाडा व विदर्भात जोरदार पाऊस पडत आहे. त्यापाठोपाठ पुणे जिल्ह्यातही ढगाळ वातावरण तयार झाले आहे. त्यामुळे जिल्ह्यात अनेक ठिकाणी पावसाचा शिडकावा होत आहे.

हवेलीतील पुणे वेधशाळा, केशवनगर, कोथरूड, खडकवासला, थेऊर, उरुळीकांचन, खेड, भोसरी, चिंचवड, कळस, हडपसर, वाघोली, मुळशीतील पौड, घोटावडे, थेरगाव, माले, मुठे, पिरंगुट, भोरमधील भोर, भोलावडे, नसरापूर, किकवी, वेळू, आंबवडे, संगमनेर, निगुडघर, मावळमधील वडगाव मावळ, तळेगाव, काले, कार्ला, खडकाळा, शिवणे येथे तुरळक सरी बरसल्या.

तर वेल्हा येथे १० मिलिमीटर, तर पानशेत, विंझर, आंबवणे, जुन्नरमधील नारायणगाव, वडगाव आनंद, निमगाव सावा, बेल्हा, राजूर, डिंगोरे, आपटाळे, ओतूर, खेडमधील वाडा, राजगुरुनगर, कुडे, पाईट, चाकण, आळंदी, पिंपळगाव, कन्हेरसर, कडुस, आंबेगावमधील घोडेगाव, आंबेगाव, कळंब, पारगाव, मंचर, शिरूरमधील टाकळी, वडगाव, न्हावरा, मलठण, तळेगाव, रांजणगाव, कोरेगाव, पाबळ, शिरूर,

बारामतीतील माळेगाव, पणदरे, वडगाव, लोणी, सुपा, मोरगाव, उंडवडी, इंदापूरमधील भिगवण, इंदापूर, लोणी, बावडा, काटी, निमगाव, अंथुर्णी, सणसर, दौंडमधील देऊळगाव, पाटस, यवत, कडेगाव, राहू, वरवंड, रावणगाव, दौंड, पुरंदरमधील सासवड, भिवंडी, कुंभारवळण, जेजुरी, परिंचे, राजेवाडी, वाल्हा भागांत ढगाळ वातावरण असून अधूनमधून तुरळक सरी पडत आहेत.